Украінскія беспілотнікі нанеслі ўдары па маставой інфраструктуры ў Херсонскай вобласці. Пра гэта заявіў кіраўнік акупаванай Херсоншчыны Уладзімір Сальда.
Паводле яго слоў, за ноч расійская СПА і мабільныя агнявыя групы збілі 25 украінскіх дронаў. У тым ліку пашкоджаны чыгуначны мост у Чангары.
«Праціўнік зрабіў новую спробу атакаваць масты ў кірунку Чангара. Рух у бок АПП «Джанкой» цяпер перакрыты. Таксама гэтай ноччу вораг ударыў па мосце, які злучае Генічэск з Арабацкай стрэлкай. Спецыялісты ўжо правялі абследаванне канструкцый. Рух запушчаны ў рэверсіўным рэжыме», — напісаў ён.
Чангарскія масты — чыгуначны мост і дамба праз заліў Сіваш — злучаюць акупаваныя расійскімі войскамі тэрыторыі поўдня Украіны з анексаваным Крымам у паўночна-ўсходняй яго частцы.
Апошнім часам УСУ рэгулярна б'юць па мастах, які злучаюць анексаваны Крым з мацерыком.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву2
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары