Нацыянальная бібліятэка прэзентавала новы мерч з Купалам і Коласам
Нацыянальная бібліятэка Беларусі да 20‑годдзя свайго сучаснага будынка прадставіла новую калекцыю фірмовых сувеніраў. У яе, як заяўлена, увайшлі рэчы, якія могуць стаць памятным падарункам для беларусаў і гасцей краіны.
У новай лінейцы прадстаўленыя нататнікі «Біблік» коштам 18,5 рубля, шоперы розных колераў па цане ад 23 да 25 рублёў, а таксама футболкі па 45 рублёў.
Стваральнікі адзначаюць, што калекцыя зроблена з любоўю да аднаго з галоўных сімвалаў Мінска і павінна захаваць цёплыя ўспаміны пра наведванне бібліятэкі.
Набыць новы мерч можна ў сувенірным кіёску на першым паверсе Нацыянальнай бібліятэкі Беларусі.
Каментары