На «Экспабеле» ў Мінску ўжо пачалі прадаваць штучныя ялінкі да Новага года. На рынку пакуль прадстаўленыя толькі некалькі відаў дрэў, але прадаўцы кажуць, што асартымент плануюць папоўніць новымі мадэлямі, піша pristalica.by.
У чатырох гандлёвых пунктах журналісты ўбачылі, як прадаўцы даставалі ялінкі з каробак, збіралі іх і распраўлялі густыя галінкі, каб паказаць купцам. Таннейшых мадэляў з ПВХ-плёнкі ў продажы не было — прапаноўваліся пераважна больш якасныя літыя ялінкі.
Класічная штучная ялінка вышынёй 80 сантыметраў каштуе 150 рублёў. Метровыя мадэлі прадаюць па 150—210 рублёў, вышынёй 1,3 метра — ад 200 рублёў, 1,6 метра — ад 300 рублёў, 1,9 метра — ад 400 рублёў, а 2, 2‑метровае дрэва каштуе 500 рублёў. Самая высокая і дарагая з тых, што былі ў продажы, — трохметровая вагой 50 кілаграмаў за 2500 рублёў.
Ялінкі з эфектам шэраню каштуюць на 15—150 рублёў даражэй за звычайныя. Напыленне бывае розным: ад лёгкага, якое толькі злёгку пакрывае галінкі, да густога імітавання сапраўднага снегу. Зараз можна набыць такую ялінку вышынёй 80 сантыметраў за 165 рублёў, метровую — за 250 рублёў, а вышынёй 1,6 метра — за 450 рублёў.
Навагодняга дэкору для дома і вуліцы пакуль не вельмі шмат, але некаторы выбар ужо ёсць. Ёлачная стужка даўжынёй 2,7 метра каштуе 65 рублёў, больш пышная з шэранем і шышкамі — каля 200 рублёў. Дэкаратыўныя галінкі прадаюць па 15—20 рублёў, а вянкі на дзверы каштуюць ад 40 да 100 рублёў.
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны9
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары