Многія беларусы не заўважаюць гэты дзіўны надпіс у мінскім метро. Што з ім не так?
Таблічкі з чырвонай літарай «М» і надпісам «пераход» ёсць перад спускам на кожную станцыю мінскага метро. Тысячы жыхароў сталіцы праходзяць міма іх кожны дзень, не звяртаючы ўвагі на адну дзіўную асаблівасць, якую заўважыла карыстальніца Threads, піша выданне Blizko.by.
«Мінск, заўсёды было цікава: чаму слова «пераход» на таблічках уваходу ў метро напісана англійскімі літарамі? Ёсць нейкае тлумачэнне ці камусьці проста было лянота мяняць раскладку на клавіятуры?»
У каментарах да гэтага паста многія беларусы прызнаюцца, што ніколі не заўважалі гэтую асаблівасць. Іншыя ж дзяліліся падказкай: напіс выкананы не лацінкай, а балгарскай кірыліцай.
«Так, гэта балгарская кірыліца. Але важнейшая прычына, па якой «балгарыца» апынулася ў Мінску. У Балгарыі ў 50— 60‑я гады XX стагоддзя фармавалася свая шрыфтавая традыцыя кірыліцы — адаптаваная да эстэтыкі лацінкі. У пачатку 1970‑х выходзіць кніга пра гісторыю шрыфту з узорамі балгарскіх гарнітур. Кніга заўважная, вялікая.
Трапляе ў рукі савецкіх кніжных мастакоў застою. У кірыліцы з'явілася першая мода. У 80‑х ужо дызайнеры УНДІТЭ (Маскоўскага тэхналагічнага ўніверсітэта. — Blizko.by) актыўна ўкараняюць свежыя формы ў гарадское асяроддзе», — расказаў адзін з карыстальнікаў Threads.
Цяпер чытаюць
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?4
Каментары