Джорджа Мелоні на саміце G7 пахвалілася, што перамагла шкодную звычку
Эрдаган хацеў яе прымусіць гэта зрабіць, а Макрон казаў, што гэта немагчыма.
Прэм'ер-міністр Італіі Джорджа Мелоні падчас нефармальных размоў на саміце G7 у Францыі прызналася калегам, што месяц як цалкам адмовілася ад цыгарэт.
Italian Prime Minister Giorgia Meloni has quit smoking — and shared the news with fellow G7 leaders over coffee.
European Council President Antonio Costa had his own milestone to offer: he gave up 21 years ago. pic.twitter.com/NcJmQ7qvP0
Кур'ёзны момант, які трапіў на відэазапіс, апублікаваў Euronews. Падчас перапынку Мелоні ўслых памарыла пра кубак кавы. Канцлер Германіі Фрыдрых Мерц вырашыў пажартаваць і спытаў, ці не хоча яна да кавы яшчэ і зацягнуцца сігарэтай.
«Не, я кінула!» — з усмешкай адказала італьянская лідарка.
Гэтая заява выклікала апладысменты сярод прысутных. Прэзідэнт Еўракамісіі Урсула фон дэр Ляен у захапленні выгукнула «Брава!»
Размова пра здаровы лад жыцця падхапіў прэм'ер-міністр Вялікабрытаніі Кір Стармер. Ён пацікавіўся ў прэзідэнта Еўрапейскай рады Антоніу Кошту, калі той апошні раз трымаў у руках цыгарэту. «Я кінуў у 2005 годзе… Ніколі не вяртаўся да гэтага. Поўны 21 год таму».
Эрдаган настойваў, а Макрон не верыў
Шкодная звычка Мелоні не першы раз становіцца тэмай для абмеркавання на вышэйшым узроўні.
Летась у кастрычніку на мірным саміце па Газе ў Егіпце прэзідэнт Турцыі Рэджэп Таіп Эрдаган падчас прывітання зрабіў Мелоні камплімент, але адразу дадаў: «Я мушу неяк прымусіць вас кінуць курыць».
NEW: #Turkiye's President Erdoğan tells #Italy's Meloni she's looking well but should give up smoking, calls UK's Starmer a 'good man'
During 4-way meeting also involving France's Macron at Egypt's Gaza Summit. President's anti-smoking stance is well known in Turkiye. pic.twitter.com/YJ7kz9ncwQ
Мелоні тады збянтэжана адказала: «Я ведаю, ведаю».
Прысутны пры той размове прэзідэнт Францыі Эмануэль Макрон тады пасміхнуўся і заявіў, што прымусіць Джорджу кінуць «проста немагчыма». І памыліўся.
Цяпер чытаюць
Першага намесніка гендырэктара «Белвеста» пасадзілі на тры з паловай гады за палітыку4
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1616
Каментары