На вадаёмах Беларусі за мінулыя выхадныя загінулі 15 чалавек, яшчэ 27 удалося выратаваць, падзялілася сумнай статыстыкай Таварыства ратавання на водах.
Паводле даных Таварыства, 27 і 28 чэрвеня на вадаёмах краіны адбылося 15 трагедый, у выніку якіх загінулі людзі, яшчэ 27 людзей, што адпачывалі каля вады, былі выратаваныя.
Ратавальнікі папярэджваюць жыхароў аб неабходнасці захоўваць асцярожнасць, асабліва ў перыяд анамальнай спёкі, калі колькасць адпачывальнікаў каля вады рэзка ўзрастае.
У Таварыстве ратавання на водах нагадваюць, што большасць трагедый на вадзе адбываецца з-за парушэння элементарных правіл бяспекі.
Спецыялісты рэкамендуюць:
- купацца толькі ў абсталяваных месцах;
- не заходзіць у ваду ў стане алкагольнага ап’янення;
- не пакідаць дзяцей без нагляду нават на мелкаводдзі;
- не заплываць далёка і не пераацэньваць свае сілы.
Ва ўмовах анамальнай спёкі ратавальнікі таксама раяць не захадзіць рэзка ў халодную ваду пасля працяглага знаходжання на сонцы, паколькі рэзкі перапад тэмператур можа прывесці да пагаршэння самаадчування і страты прытомнасці.
Цяпер чытаюць
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек33
Каментары