Расіянку, якая зрабіла ў бары «кальян на кулічы», усё ж не будуць адпраўляць у калонію
Зняволенне заменяць на абавязковыя работы.
27‑гадовая Ксенія Белавусава працавала ў бары ў Маскве і з нагоды Вялікадня зрабіла «кальян на кулічы». «Нават Хрыстос ад такога ўваскрос», — быў подпіс да відэа ў сацсетках.
Дзяўчыну прызналі вінаватай у «абразе пачуццяў вернікаў» і асудзілі на 3 гады і 25 сутак калоніі агульнага рэжыму. Пакаранне вынеслі з улікам папярэдняга прысуду — дагэтуль Ксенія атрымала тры гады ўмоўна па справе аб захаванні больш як 5 грамаў мефедрону.
Ксенія пісала пакаяльны ліст ў РПЦ. Царква папрасіла суд змякчыць пакаранне.
Цяпер прысуд дзяўчыны перагледзелі. Прэзідыум Масгарсуда змяніў пакаранне на 200 гадзін абавязковых работ. Выключылі таксама рашэнне аб адмене ўмоўнага тэрміну па папярэдняй справе.
Каментары