Дубль Холанда — і Бразілія едзе дахаты. А Нарвегія крочыць у чвэрцьфінал.
Зборная Нарвегія выйграла ў Бразіліі ў матчы 1/8 фіналу з лікам 2:1. Холанд першы гол забіў на 80‑й хвіліне, а потым на 91-й.
Бразілія ўжо не тая — хоць букмекеры і лічылі яе абсалютным фаварытам матча, — каманда цалкам аддала ініцыятыву супернікам. Нарвегія валодала мячом 67%. Так, атак было няшмат, тэмп быў не высокі, але гульня ў цэлым ішла пад кантролем скандынаваў.
Ды яшчэ і кураж злавіў брамнік Нарвегіі — 35‑гадовы Ор’ян Нюланд нават адбіў пенальці ў пачатку гульні.
На апошняй хвіліне сустрэчы ў вароты Нарвегіі быў прызначаны пенальці. Неймар забіў, але гэта не дапамагло, Нарвегія перамагае 2:1.
Нарвегія ў чвэрцьфінале сустрэнецца з пераможцам пары Мексіка — Англія, гэты матч пачнецца сёння а трэцяй ночы.
Холанд, дарэчы, дагнаў на гэтым мундыялі па колькасці галоў Месі і Мбапэ. У іх цяпер па сем галоў.
Брат беларускай каралевы прыгажосці трапіў у рэанімацыю ў Азербайджане4
Каментары
Анчэлоцці будзе распяты. Скажуць, ня трэба больш замежнікаў наймаць.