У Гомелі вадалаз выпадкова знайшоў у Сожы косткі мамантаў і бізонаў
Падчас трэніровачнага пагружэння ў рацэ Сож каля гомельскага ўрочышча Шведская Горка вадалаз Таварыства ратавання на водах Сцяпан Жукавец знайшоў некалькі костак старажытных жывёл. Знаходкі былі зробленыя прыкладна за 50 метраў ад берага на глыбіні 10—12 метраў, піша Times.by.
Паводле папярэдняй ацэнкі спецыялістаў, сярод знойдзеных костак ёсць пазванок, рабро і фрагмент сківіцы маманта, а таксама костка пярэдняй канечнасці бізона. Самая вялікая знаходка — рабро — важыць каля трох кілаграмаў.
Вадалаз адзначыў, што гэта не першая падобная знаходка ў гэтым месцы. Некалькі гадоў таму тут ужо знаходзілі чэрап бізона, а летась — частку пазваночніка маманта.
Археолагі тлумачаць, што падобныя парэшткі не з'яўляюцца рэдкасцю для гэтага раёна. У ледавіковы перыяд на тэрыторыі сучаснага Палесся жылі маманты, бізоны, насарогі, паўночныя алені, лясныя сланы і нават пячорныя львы. Цячэнне ракі магло разнесці іх косткі на значныя адлегласці, таму звязваць новыя знаходкі з ужо вядомымі парэшткамі няма падстаў.
Пасля даследавання косткі ачысцяць, закансервуюць і перададуць у музейныя фонды. Іх плануюць прадставіць на выставе «Музейны экспанат» у пачатку наступнага года.
Старажытныя суслікі елі мяса мамантаў. Доказ знайшлі ў іх какашках
Ганібал перайшоў праз Альпы на баявых сланах, пацвердзілі археолагі
У Беларусь з Расіі спрабавалі ўвезці больш за тону біўняў мамантаў
Знойдзены пад Віцебскам бівень маманта магло прынесці туды талымі водамі
Пад Мінскам стварылі Парк ледавіковага перыяду
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары