У інтэрв'ю праекту First and Red тэнісітка расказала журналісту, што ёй паступілі дзве прапановы зняцца ў кіно
Шарліз Тэран, фота Theo Wargo/WireImage
Адна прапанова тычылася сумеснага праекта пра тэніс з удзелам аўстралійскай актрысы і камедыянткі Рэбел Уілсан.
«Але здымкі былі б у Аўстраліі. І ўсё роўна яны занялі б 2—3 месяцы. Я столькі часу там не бываю. Гэта проста фізічна было б немагчыма зрабіць. Але прапанова была, і я вельмі хацела», — расказала першая ракетка свету.
Журналіст таксама пацікавіўся, хто мог бы сыграць Арыну, калі б пра яе знялі біяграфічны фільм.
Спартсменка назвала імя ўраджэнкі Паўднёвай Афрыкі, 50‑гадовай Шарліз Тэран.
Шарліз Тэран — зорка сусветнага кіно, яна сыграла жонку галоўнага героя Кіяну Рыўза ў «Адвакаце д'ябла», сыграла галоўную гераіню ў шчымлівай меладраме «Салодкі лістапад», дзе знялася таксама з Кіяну Рыўзам.
Таксама знялася ў такіх фільмах, як «Легенда Бангера Ванса», «Магутны Джо Янг», «Жонка астранаўта», «Монстр», за што атрымала «Оскар», дэтэктыве «Цёмныя таямніцы», «Вар'яцім Максе», двух «Фарсажах».
У «Адысеі» Нолана яна сыграла Каліпсо.
Цяпер чытаюць
Магілёў, Віцебск і Гомель удалося далучыць да БССР толькі таму, што Масква такім чынам хацела спакусіць Заходнюю Беларусь — апублікаваныя дакументы3939
Магілёў, Віцебск і Гомель удалося далучыць да БССР толькі таму, што Масква такім чынам хацела спакусіць Заходнюю Беларусь — апублікаваныя дакументы39
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6464
Каментары