Украінскія беспілотнікі атакавалі Разань — гараць склад Wildberries і НПЗ
Паводле афіцыйных даных, пацярпелі шэсць чалавек, а ў выніку падзення абломкаў узнік пажар на «прамысловых тэрыторыях».
Губернатар Разанскай вобласці Павел Малкоў паведаміў пра масіраваную атаку беспілотнікаў на Разань. Паводле афіцыйных даных, пацярпелі шэсць чалавек, а ў выніку падзення абломкаў узнік пажар на «прамысловых тэрыторыях». Пра якія менавіта аб'екты ідзе гаворка, не ўдакладняецца.
Украінскі канал Exilenova+ паведамляе, што беспілотнікі атакавалі лагістычны цэнтр Wildberries у Разані і мясцовы нафтаперапрацоўчы завод (НПЗ).
У афіцыйным паведамленні Wildberries для прадаўцоў гаворыцца, што склад «Разань: Цюшаўскае» часова не прымае пастаўкі:«Тавары, якія захоўваюцца на складзе, пакуль знятыя з продажу».
Каментары