Беларусы, якія прыехалі ў Мадрыд на канцэрт рэпера Канье Уэста, выпадкова сустрэліся ў Музеі мастацтва Прада. Займальную гісторыю расказаў мастацтвазнаўца Мікіта Моніч.
Амерыканскі рэпер Канье Уэст (Ye), які апошнія гады больш вядомы скандальнымі антысеміцкімі і пранацысцкімі выказваннямі, 30 ліпеня выступіў у Мадрыдзе. На канцэрт прыехалі і беларусы. Для некаторых з іх паездка запомнілася не толькі выступам музыкі, але і нечаканай сустрэчай у Музеі Прада. Гісторыю расказаў у сацсетках мастацтвазнаўца Мікіта Моніч.
Усё пачалося з экскурсіі для аднаго беларуса, які прыехаў у Мадрыд на канцэрт амерыканскага рэпера.
«Вольны час ёсць, таму зранку ў Прада, увечары на канцэрт», — кажа Мікіта.
Падчас агляду экспазіцыі высветлілася, што ў тым жа музеі знаходзяцца сябры ягонага госця, якія таксама прыехалі ў Мадрыд на канцэрт:
«Ідзём мы з ім, дайшлі да Мона Лізы, нашай тут мясцовай, і высвятляецца, што ягоныя сябры-знаёмыя таксама прыехалі на канцэрт і тут, у Прада, бо беларусы культурныя, у Прада ідуць. І стала нас трое».
Аднак на гэтым гісторыя не скончылася.
«Сустрэліся мы ўжо з гэтымі новымі беларусамі ў зале Босха. Толькі я пачаў распавядаць пра смяротныя грахі, як бачу яшчэ два чувакі ад свайго аўдыягіда адключыліся і нас слухаюць. І кажуць: «Ой, чуваць беларускую мову, а мы таксама беларусы!» І вось нас ужо пяцёра», —
працягвае Моніч.
«Бачыце, нават нейкі музыка (…), а ўсё роўна робіць добрую справу тым, што беларусы сустракаюцца ля мастацтва і знаёмяцца з гэтым самым мастацтвам. Ну не цуд? Цуд, — дзеліцца сваімі эмоцыямі Моніч і заклікае:
— Шукайце адно аднаго і па магчымасці рабіце гэта ў прыемных культурных месцах, напрыклад у музеі, бо музей — гэта клёва».
-
Беларус пешкі ідзе 3000 кіламетраў з Варшавы да Іспаніі — гатовы ночыць у лесе і мыцца ў рэчцы
-
Дастаўшчык ежы «Яндэкс» у Маскве заспяваў на вуліцы і стаў зоркай — ім аказаўся хлопец з Брэста
-
Беларусы здымаюць вогненныя пародыі на ролік са школьнікам, які палоў бульбу — далучыліся ратавальнікі, метрапалітэн і «Купалаўцы» ВІДЭА
Цяпер чытаюць
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў55
Каментары