«Расійскае «сафары» на людзей павінна быць спынена ва Украіне». Зяленскі пракаментаваў паляванне дрона ў Херсоне
Прэзідэнт Украіны пракаментаваў у сваім тэлеграм-канале выпадак, калі расійскі дрон ганяўся за мужчынам у Херсоне.
«Сёння многіх шакавала чарговае відэа «сафары», якое расіяне вядуць з дапамогай дронаў супраць людзей у Херсоне. Расійскі дрон мэтанакіравана паляваў на мужчыну, які прадаваў гародніну ў Херсоне, падарваўся побач з ім, і самі расіяне прызналі, што здзейснілі гэты злачынны ўчынак, прычым не проста не шкадуюць пра зробленае, а яшчэ і ганарацца тым, як здзекуюцца з людзей. Мужчына атрымаў раненні ў выніку выбуху. Штодня расіяне ладзяць такія «сафары» на мірных жыхароў Херсона», — напісаў Уладзімір Зяленскі.
Ён перакананы, што свет павінен гэта бачыць, як і павінен бачыць кожны факт таго, што Расія страціла ўсякія межы, і кожны факт таго, што расійскія вайскоўцы атрымліваюць задавальненне ад забойстваў і здзекаў з людзей.
«Без ціску на Расію, без ліквідацыі яе агрэсіўнага патэнцыялу і без рэальных гарантый бяспекі ад Расіі немагчыма ўявіць, што свет зможа суіснаваць з гэтым злом. Неабходна і надалей дзейнічаць рашуча, каб абараняць жыццё. Трэба дзейнічаць так і падтрымліваць жыццё такім чынам, каб Расія была вымушана сапраўды задумацца пра мір, а не пра тое, як павялічыць далёкасць сваіх дронаў. І гэта датычыцца не толькі Украіны. Расійскае «сафары» на людзей павінна быць спынена ва Украіне і ні ў якім разе не павінна распаўсюдзіцца на іншыя краіны», — перакананы прэзідэнт Украіны.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары