Пераапранаўся на гарышчы і меў парык. Як лавілі рабаўніка ювелірнай крамы
Да разбою 34‑гадовы мінчук рыхтаваўся грунтоўна, а таксама выкарыстоўваў меры канспірацыі.
Злачынца ў медыцынскай масцы, пагражаючы прадметам, падобным да пісталета, у пятніцу зладзіў нахабны напад на ювелірную краму на праспекце Незалежнасці ў Мінску, паведамляе прэс-служба МУС.
Ювелірныя вырабы ён выкраў. Нападнік збег з месца злачынства, а прадаўшчыца націснула трывожную кнопку.
Да разбою 34‑гадовы мінчук рыхтаваўся грунтоўна. Апошнія два гады ён жыў у Маскве, а пасля вяртання ў Беларусь у маі 2026 года нідзе не працаваў і планаваў напад. Выбраўшы краму на праспекце Незалежнасці, ён загадзя вывучыў маршруты і месцы размяшчэння камер відэаназірання.
Вядома, што ён прымаў меры канспірацыі і пераапранаўся на гарышчы аднаго з дамоў на вуліцы Каліноўскага, а затым паспрабаваў выехаць у Расію з выкрадзеным.
Эксперты-крыміналісты аператыўна даследавалі кінутую ім медыцынскую маску. Праз базу ДНК асобу вылічылі — ім выявіўся раней не судзімы жыхар сталіцы.
Мужчыну знялі з рэйсавага аўтобуса Мінск — Санкт-Пецярбург прама падчас руху ў Аршанскім раёне.
Паводле МУС, затрыманне праводзілі байцы «Алмаза», паколькі нападнік быў узброены нажом і пагражаў выкарыстаннем зброі, а праваахоўнікі асцерагаліся захопу заложнікаў сярод пасажыраў. У сумцы затрыманага знайшлі ўсе выкрадзеныя каштоўнасці, сума якіх перавышае 400 тысяч рублёў.
Скрадзенае канфіскавана.
Заведзена крымінальная справа за разбой, мужчыне пагражае да 10 гадоў.
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары
Калі ён "раней не судзімы", то застаецца варыянт, што былы супрацоўнік.