Свет11

Пуцін пракаментаваў заяву Зяленскага пра закрыццё неба над Расіяй для цывільнай авіяцыі

Уладзімір Пуцін зрабіў выгляд, што нават не чуў пра заяву прэзідэнта Украіны, аднак адразу прыгразіў адказам.

Уладзімір Пуцін. Фота: Anastasia Barashkova Pool Photo via AP

Пытанне Пуціну задалі падчас прэс-канферэнцыі пасля саміту ШАС у Бішкеку. Пуцін заявіў, што не чуў слоў Зяленскага.

«Я не чуў такіх заяў, але калі гэта сказана ўслых, то гэта проста заяўка на дзяржаўны тэрарызм. І звяртаю ўвагу, што яны просяць у нас аднавіць перамовы, просяць пра асабістыя сустрэчы. З тэрарыстамі перамоваў не вядуць. Але гэта першае. А другое, у гэтай жа частцы: калі, не дай бог, такія трагедыі будуць адбывацца, мы знойдзем чым адказаць. Няхай ніхто не сумняваецца», — сказаў Пуцін.

Напярэдадні Зяленскі заявіў, што Украіна збіраецца настолькі павялічыць колькасць сваіх беспілотнікаў у паветранай прасторы Расіі, што гэта фактычна зробіць яе небяспечнай для цывільных палётаў.

Паводле Зяленскага, расійскае неба «ўжо з’яўляецца і будзе яшчэ больш» прасторай для дронаў і ракет. 

Асобна Зяленскі звярнуўся да замежных авіякампаній і страхоўшчыкаў. Ён папярэдзіў, што палёты ў Расію, асабліва ў Маскву і Санкт-Пецярбург, становяцца ўсё больш рызыкоўнымі.

«Расійскае неба дэ-факта будзе закрывацца», — сказаў ён, падкрэсліўшы, што Украіна не збіраецца атакаваць цывільныя самалёты.

Да выступу Пуціна расійскія ўлады публічна не каментавалі папярэджанне, а дзяржаўныя агенцтвы ТАСС і РІА «Навіны» пра яго не паведамлялі.

Каментары1

  • Шляхціч Завальня
    02.09.2026
    Беларусы якія зараз у Расеі - збірайцце рэчы і уцякайце з гэтай падлодкі Курск. Расеяне самі саб'юць пару самалётаў, а скажуць што гэта Украіна. Навошта вам паміраць з-за старога плюгавага недачалавека?

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку20

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

У Сенненскім раёне прадаюць з аўкцыёна старадаўнюю паштовую станцыю1

У Тураве збіраюцца за два мільёны рэканструяваць невялікі мост цераз канал

Ракетам «Пэтрыёт» нестае спецыяльнай віскозы: нечаканы дэфіцыт на сусветным рынку1

Зяленскі: Для ўдару па Крымскім мосце мы прымянялі толькі ўласную зброю6

Беларус паўнавартасна паабедаў у рэстаране ўсяго за 4 рублі. Дзе такое месца?3

Сі не дазволіў Пуціну стаць побач з сабой і Трампам на агульным фота саміта АЦЭС26

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку20

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць