Прэзідэнт Украіны Уладзімір Зяленскі папярэдзіў авіякампаніі і страхавыя кампаніі, якія працягваюць карыстацца расійскай паветранай прасторай і аэрапортамі, што расійскае неба робіцца цалкам небяспечным.
Уладзімір Зяленскі заявіў, што Украіна не мае намеру пагражаць цывільнай авіяцыі або цывільным самалётам. Аднак праз вайну і актыўнае выкарыстанне беспілотнікаў расійскае неба фактычна становіцца ўсё больш небяспечным для палётаў.
«Украіна не пагражае цывільнай авіяцыі як такой — ніводнаму цывільнаму самалёту. Проста дроны ў небе Расіі будуць, так што трэба на гэта зважаць. Хоць расійскія ўлады пра гэта не паведамляюць як належыць, але расійскае неба дэ-факта будзе закрывацца: вайна, развязаная Расіяй, закрывае яе неба», — сцвярджае Зяленскі.
Украіна заклікае паслоў замежных дзяржаў, якія працуюць у Кіеве і Маскве, данесці гэтую інфармацыю да сваіх урадаў. Асабліва гэта тычыцца краін, грамадзяне якіх лётаюць у Маскву, Санкт-Пецярбург і па іншых ключавых расійскіх напрамках.
Міністэрства замежных спраў Украіны і іншыя дзяржаўныя структуры маюць намер перадаць міжнародным арганізацыям поўную інфармацыю пра рызыкі для цывільнай авіяцыі ў расійскай паветранай прасторы.
«Цывільнай авіяцыі сярод дронаў не месца», — падкрэслівае Уладзімір Зяленскі.
Самалёт, які ляцеў з Дубая ў Беларусь, сеў у аэрапорце Ісламабада праз недахоп паліва
Кіеў рыхтаваў другое «Павуцінне» супраць аэрапортаў Масквы, але план спынілі
Украінскія беспілотнікі атакавалі Маскву. Атака стала найбуйнейшай за два гады
Пуцін стаў пазбягаць паездак у рэгіёны ў еўрапейскай частцы Расіі, куды рэгулярна далятаюць дроны
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары