Рэканструкцыю пункта пропуску «Каменны Лог» на беларуска-літоўскай мяжы плануюць пачаць ужо ў гэтым годзе, а завяршыць работы — да 2029 года. Пра гэта на прэс-канферэнцыі паведаміў начальнік галоўнага ўпраўлення арганізацыі мытнага кантролю Дзяржаўнага мытнага камітэта Віктар Зубік.
Паводле слоў чыноўніка, пасля рэканструкцыі прапускная здольнасць пункта павінна павялічыцца прыкладна ў тры разы. Разліковы паказчык складзе да 6 тысяч аўтамабіляў у суткі.
Прадстаўнік Дзяржаўнага мытнага камітэта адзначыў, што цяпер пунктаў пропуску ўжо не хапае для патрэбных аб'ёмаў руху. Адначасова ўлады працуюць над тым, каб зрабіць перасячэнне мяжы больш зручным для беларускіх грамадзян. Для гэтага на ўсіх пунктах пропуску ўводзяцца зоны чакання і электронная чарга.
Віктар Зубік таксама нагадаў, што сёлета па ўсёй краіне з'явілася магчымасць дыстанцыйнай рэгістрацыі транспартных сродкаў для перасячэння мяжы. Чалавек можа яшчэ дома зарэгістравацца ў тым пункце пропуску, праз які плануе ехаць, сачыць за рухам чаргі і разлічыць час прыбыцця. Паводле яго слоў, гэта дазволіла адмовіцца ад так званага «жывога» стаяння ў чарзе.
Акрамя таго, з 1 студзеня гэтага года для легкавых аўтамабіляў, а з 1 красавіка і для грузавікоў дзейнічае платная паслуга браніравання даты перасячэння дзяржаўнай мяжы. Паводле інфармацыі Дзяржаўнага мытнага камітэта, гэтая паслуга карыстаецца попытам.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары