Спорт44

Расіі ўпершыню пасля пачатку поўнамаштабнай вайны ва Украіне даручылі правесці чэмпіянат свету

Масква прыме чэмпіянат свету па цяжкай атлетыцы ў 2030 годзе. Гэта першы выпадак з пачатку поўнамаштабнага ўварвання Расіі ва Украіну ў 2022 годзе, калі міжнародная федэрацыя алімпійскага віду спорту вырашыла правесці ў Расіі спаборніцтвы сусветнага ўзроўню.

Здымак ілюстрацыйны. Фота: magnific.com

Міжнародная федэрацыя цяжкай атлетыкі (IWF) абвясціла пра сваё рашэнне ў нядзелю, 25 кастрычніка. Яно было прынята праз чатыры месяцы пасля таго, як федэрацыя пацвердзіла, што расійскія спартсмены зноў змогуць удзельнічаць у спаборніцтвах пад яе эгідай.

Рашэнне аб месцах правядзення чэмпіянатаў свету прымалі ў межах разгляду заявак на чатыры наступныя першынствы сярод юнакоў, юніёраў і дарослых спартсменаў. Генеральны сакратар IWF, перуанец Хасэ Кіньёнэс, заявіў, што ўсе атрыманыя заяўкі былі выдатнымі, і выказаў упэўненасць, што спаборніцтвы ў краінах, якія атрымалі права на іх правядзенне, пройдуць паспяхова.

З пачатку вайны ва Украіне ў Расіі не праводзіліся чэмпіянаты свету па алімпійскіх відах спорту — ні летніх, ні зімовых. Напрыклад, чэмпіянат свету па водных відах спорту 2025 года, які першапачаткова планавалі правесці ў Казані, перанеслі ў Сінгапур.

У Крамлі прывіталі рашэнне міжнароднай федэрацыі. Прэс-сакратар расійскага прэзідэнта Дзмітрый Пяскоў назваў яго важным крокам да «аддзялення спорту ад палітыкі».

У ліпені 2026 года Міжнародны алімпійскі камітэт (МАК) адмяніў сваё ранейшае рашэнне аб адхіленні Алімпійскага камітэта Расіі, прынятае пасля расійскага ўварвання ва Украіну. Гэта патэнцыйна адкрыла расійскім спартсменам шлях да ўдзелу ў Алімпійскіх гульнях 2028 года ў Лос-Анджэлесе.

Раней, у верасні 2025 года, Міжнародны паралімпійскі камітэт аднавіў паўнавартасны статус Паралімпійскіх камітэтаў Расіі і Беларусі. Гэта дазволіла расійскім і беларускім спартсменам выступаць пад дзяржаўным сцягам на зімовых Паралімпійскіх гульнях у Мілане і Карціна д'Ампеца.

Каментары4

  • Абураны
    26.10.2026
    Чэмпіянат свету па цяжкай артылерыі?
  • AlexxelA
    26.10.2026
    А ці гарантуюць гэтыя камітэтчыкі бяспеку спартоўцам, якія прыедуць на той чэмпіянат? Краіна ў стане вайны, тамака дроны ўвесь час лётаюць туды-сюды, могуць патрапіць у каго з тых цяжкаатлетаў ненарокам. Да таго яшчэ і аэрапорты часта не працуюць. На аўтобусах будуць дабірацца?
  • Бабло побеждает добро
    26.10.2026
    [Рэд. выдалена]

Цяпер чытаюць

Колькі беларусаў загінула на вайне з Украінай? Больш за 1600, але наколькі больш?22

Колькі беларусаў загінула на вайне з Украінай? Больш за 1600, але наколькі больш?

Усе навіны →
Усе навіны

ШІ дапамог знайсці «натуральны Аземпік»4

Колькі кажаноў гіне ад ветракоў? Маштаб аказаўся значна большым, чым чакалі3

Грузія выдварыла 39 беларусаў за дзевяць месяцаў 2026 года6

За мірганне далёкім святлом можа пагражаць штраф да 450 рублёў2

Сям'ю забіў, пакуль тыя спалі, цікавіўся «гітлераўцамі і арыйскай расай». Што яшчэ вядома пра справу 24‑гадовага стралка ў Кракаве19

Катастрофа на чыгунцы ў Егіпце — сем загінулых, больш за 100 параненых

Чвэрць без «васьмёрак» — 100 рублёў. Шматдзетная маці расказала, колькі плаціць дзецям за ацэнкі5

Чаму Макей пасля 2020‑га застаўся ў сістэме і ці спрабаваў спыніць рэпрэсіі?14

«Вокны з чорным налётам не адмыць». Пінчукі скардзяцца на адходы «Пінскдрэва»

больш чытаных навін
больш лайканых навін

Колькі беларусаў загінула на вайне з Украінай? Больш за 1600, але наколькі больш?22

Колькі беларусаў загінула на вайне з Украінай? Больш за 1600, але наколькі больш?

Галоўнае
Усе навіны →

Заўвага:

 

 

 

 

Закрыць Паведаміць