Свет66

Прайшла першая тэлефонная размова з Пуціным магчымых еўрапейскіх прадстаўнікоў на мірных перамовах з Расіяй

27 кастрычніка з Уладзімірам Пуціным пагаварылі прэзідэнт Фінляндыі Аляксандр Стуб і прэм’ер Нарвегіі Ёнас Гар Сцёрэ.

Фота: Heiko Junge, Pool Photo via AP

Ініцыятарамі размовы выступілі Стуб і Сцёрэ, паведаміла канцылярыя прэзідэнта Фінляндыі. Яны хацелі перадаць Пуціну пазіцыю Украіны адносна будучых перамоваў.

У канцылярыі асобна падкрэслілі: палітыкі ўдзельнічалі ў размове як кіраўнікі сваіх краін і не выступалі ад імя Еўропы ў цэлым.

«Размова была прамой і прадметнай. Мы — суседзі Расіі. Тое, як скончыцца вайна, паўплывае на бяспеку Фінляндыі і Нарвегіі, а таксама ўсёй Еўропы ў цэлым. Для спынення вайны неабходныя прамыя перамовы», — заявіў Стуб.

Сцёрэ сказаў, што падчас званка яны падкрэслілі важнасць дээскалацыі.

«Вайна прыносіць велізарныя чалавечыя пакуты і цягне за сабой велізарныя выдаткі. Вайна пакідае след на многіх пакаленнях», — адзначыў нарвежскі прэм'ер.

Крэмль па выніках размовы заявіў, што «Пуцін і лідары Фінляндыі і Нарвегіі дамовіліся і надалей падтрымліваць прамыя кантакты па тэлефоне».

«Пуцін у размове з лідарамі Фінляндыі і Нарвегіі даў ацэнку бягучай сітуацыі ў зоне канфлікту ва Украіне, нагадаўшы аб яго першапрычынах», — гаворыцца ў паведамленні Крамля. Далей ідзе традыцыйная формула Масквы, што «справядлівы доўгатэрміновы мір ва Украіне магчымы толькі з улікам інтарэсаў РФ. Пуцін у размове з лідарамі Нарвегіі і Фінляндыі ўказаў на канфрантацыйную палітыку краін НАТА і ЕС, якая зацягвае канфлікт ва Украіне». Таксама «Пуцін у размове са Стубам і Сцёрэ абмеркаваў забеспячэнне бяспекі ў рэгіёнах Балтыйскага мора і Поўначы Еўропы. Лідары краін пацвердзілі важнасць захавання міжнароднага марскога права і прынцыпу свабоды суднаходства», — паведамляе Крэмль.

Званок стаў працягам сустрэчы ў Осла 20 кастрычніка.

Імёны Стуба і Сцёрэ называлі ў якасці магчымых еўрапейскіх прадстаўнікоў на мірных перамовах з Расіяй. Менавіта з імі сустракаліся Зяленскі і Уіткаф перад апошнімі перамовамі Уіткафа з Пуціным.

Пасля размовы Стуб і Сцёрэ правялі званок з прэзідэнтам Украіны Уладзімірам Зяленскім.

Каментары6

  • каментар
    27.10.2026
    Ну, пацук не хоча вылазіць з вугла, цягне час і спадзяецца на мошчы данскога.
  • Говоруны
    27.10.2026
    Язык без костей.
  • Можна не пагаджацца
    27.10.2026
    Калі дзеля прагрэсу ў перамовах, то запрашайце Лукашэнку з вядром кавы. Ніхто лепш за яго не ведае Пуціна. Вось такі геапалітычны расклад.

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

Дэталі аварыі на Міншчыне, дзе загінулі трое: 21‑гадовага кіроўцу пазбавілі правоў — але рашэнне не паспела ўступіць у сілу

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць