Грамадства

Банкі змякчаюць патрабаванні да геалакацыі для працы мабільных праграм

Беларускім банкам больш не патрэбная дакладная геалакацыя карыстальнікаў для працы мабільных праграм. Нацбанк дазволіў змякчыць патрабаванні, піша выданне Blizko.by са спасылкай на прэс-службу БНБ-Банка.

Фота: Blizko.by

У маі беларускія банкі пачалі патрабаваць ад кліентаў доступ да геалакацыі пры выкарыстанні мабільных праграм і інтэрнэт-банкінгу. Пра гэта асобна паведамлялі Альфа-Банк і Беларусбанк, пасля чаго такую практыку ўвялі і іншыя фінансавыя ўстановы. Мера была часткай сістэмы абароны кліентаў з дапамогай так званага лічбавага адбітка прылады.

Пры кожным уваходзе сістэма параўноўвае прыладу кліента з раней захаваным узорам. Калі махляр паспрабуе ўвайсці ў банкаўскі рахунак з іншага тэлефона або камп'ютара, сістэма зможа выявіць неадпаведнасць і заблакаваць падазроную аперацыю. Акрамя таго, тэхналогія дазваляе выяўляць спробы падмены геалакацыі з дапамогай спецыяльных праграм.

Без дазволу на доступ да месцазнаходжання банкаўскія праграмы і інтэрнэт-банкінг адмаўляліся працаваць. Пры гэтым ад карыстальнікаў смартфонаў патрабавалі не прыблізную, а менавіта дакладную геалакацыю.

Напрыклад, у інструкцыі на сайце Беларусбанка гаварылася, што пасля запыту дазволу трэба выбраць варыянт «Дакладна» і «Пры выкарыстанні праграмы». Пачынаючы з версіі праграмы 3.59, на прыладах з Android 12 і навейшымі дакладнае месцазнаходжанне было неабходнае для яе карэктнай працы. Паводле банка, на некаторых мадэлях тэлефонаў, у тым ліку Pixel і Xiaomi, прыблізная геалакацыя не дазваляла хутка вызначыць каардынаты: перадача звестак магла займаць да пяці хвілін. Калі праграма не атрымлівала гэтыя даныя своечасова, доступ да яе функцый часова абмяжоўваўся.

Цяпер патрабаванні змяніліся: банкам больш не абавязкова атрымліваць дакладнае месцазнаходжанне карыстальніка. Пра гэта паведаміў БНБ-Банк, які абвясціў пра абнаўленне параметраў лічбавага адбітка прылады.

Паводле паведамлення банка, Нацыянальны банк змяніў набор гэтых параметраў і іх значнасць падчас праверкі, каб павысіць эфектыўнасць абароны ад несанкцыянаваных плацяжоў. У прыватнасці, цяпер дапускаецца выкарыстанне прыблізнага месцазнаходжання.

Новыя патрабаванні дзейнічаюць з 1 лістапада. БНБ-Банк паведаміў, што пачаў укараняць змены яшчэ 29 кастрычніка.

Пры гэтым на сайце Нацыянальнага банка асобнага паведамлення пра змякчэнне патрабаванняў знайсці не ўдалося. Іншыя банкі, паводле праведзенага Blizko.by агляду іх навінаў, таксама пакуль не паведамлялі пра такія змены.

Каментары

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал11

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

Як згуляць у GTA 6, калі жывеш у Беларусі2

З 1 студзеня днём рух грузавікоў па МКАД плануюць забараніць

Трамп і Пуцін сустрэліся на палях саміта АЦЭС3

У Афрыцы зазелянела пустыня — і прычына гэтаму не толькі змена клімату4

У жаночых прыбіральнях Кітая з'яўляюцца пісуары. Навошта?1

Спявачка з Беларусі трапіла ў скандал у ЗША. Вінаваціць прафесара Калумбійскага ўніверсітэта ў згвалтаванні, а ён яе — у пераследзе сям'і13

Беларус расказаў, як правозіў ката самалётам з перасадкамі

На брэсцкім вакзале заўважылі апарат з «цублямі» замест рублёў1

Мінск прыме расійска-грузінскія перамовы2

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал11

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць