Недарэчная анімацыйна-ігравая сямейная кінакамедыя «Бунт вушастых» з куранятамі-путчыстамі, гаваркімі чароўнымі трусамі і Г'ю Гэфнэрам, які не трапіў да беларускага гледача.
ЗША, 2011, каляровы, 95 хв.
Рэжысёр: Цім Гіл
Ролі выконваюць: Джэймз Марсдэн, Кайлі Куока, Гэры Коўл, Элізабэт Пэркінс, Дэвід Хэсэлхоф
Жанр: Анімацыйна-ігравая камедыя для ўсёй сям’і
Адзнака: 3,5 (з 10)
Амерыканскага недарэку Фрэда дакараюць сваякі, што той не знайшоў сабе сталай працы. А іншы аблавухі герой не жадае пераймаць бацькін бізнэс — дый уцякае ў Галівуд, каб стаць бубначом. Фрэд і Велікодны трусік сустрэнуцца на начной дарозе — з непрадказальнымі наступствамі для абодвух.
Карціна Ціма Гіла — невынаходлівае спалучэнне анімацыі дый ігравога кіно.Гісторыя Фрэда — гэта заклапочаныя сямейныя разборкі з вырачанымі вачыма Джэймза Марсдэна, сюсюканнем серыяльніцы Кайлі Куокай і сапраўднымі злымі сабакамі. Трусік-уцякач — анімаваны, роўна, як і ягоны вусаты тата; гэта ж тычыцца шакаладнай фабрыкі і асабліва — прыдуркаватага менеджэра Карла з курынымі мазгамі. У меню — курыны путч і баявыя зайчыкі ў малінавых барэтах.
Фішка фільму — амерыканскія знакамітасці, якіх зводзяць з анімаванымі персанажамі.
Так заснавальнік «Плэйбоя» Г’ю Гэфнэр упарта-разгублена тлумачыць трусіку, што той памыліўся адрасам(у рускім дубляжы Гэфнэра «з’елі»).
З фільма дзеткі, нарэшце, даведаюцца, што чароўныя трусікі какаюць цукеркамі. Атрыманы такім чынам фільм упэўнены: Вялікдзень — гэта «цукеркі, цыпачкі і рок-н-рол».
Цяпер чытаюць
У мінскім метро праходзяць выпрабаванні новыя цягнікі ФОТЫ3
Каментары