Niedarečnaja animacyjna-ihravaja siamiejnaja kinakamiedyja «Bunt vušastych» z kuraniatami-putčystami, havarkimi čaroŭnymi trusami i Hju Hefneram, jaki nie trapiŭ da biełaruskaha hledača.
ZŠA, 2011, kalarovy, 95 chv.
Režysior: Cim Hił
Roli vykonvajuć: Džejmz Marsden, Kajli Kuoka, Hery Koŭł, Elizabet Perkins, Devid Chesełchof
Žanr: Animacyjna-ihravaja kamiedyja dla ŭsioj siamji
Adznaka: 3,5 (z 10)
Amierykanskaha niedareku Freda dakarajuć svajaki, što toj nie znajšoŭ sabie stałaj pracy. A inšy abłavuchi hieroj nie žadaje pierajmać baćkin biznes — dyj uciakaje ŭ Halivud, kab stać bubnačom. Fred i Vielikodny trusik sustrenucca na načnoj darozie — ź niepradkazalnymi nastupstvami dla abodvuch.
Karcina Cima Hiła — nievynachodlivaje spałučeńnie animacyi dyj ihravoha kino.Historyja Freda — heta zakłapočanyja siamiejnyja razborki z vyračanymi vačyma Džejmza Marsdena, siusiukańniem sieryjalnicy Kajli Kuokaj i sapraŭdnymi złymi sabakami. Trusik-uciakač — animavany, roŭna, jak i jahony vusaty tata; heta ž tyčycca šakaładnaj fabryki i asabliva — prydurkavataha mieniedžera Karła z kurynymi mazhami. U mieniu — kuryny putč i bajavyja zajčyki ŭ malinavych baretach.
Fiška filmu — amierykanskija znakamitaści, jakich zvodziać z animavanymi piersanažami.
Tak zasnavalnik «Płejboja» Hju Hefner uparta-razhublena tłumačyć trusiku, što toj pamyliŭsia adrasam(u ruskim dublažy Hefnera «źjeli»).
Ź filma dzietki, narešcie, daviedajucca, što čaroŭnyja trusiki kakajuć cukierkami. Atrymany takim čynam film upeŭnieny: Vialikdzień — heta «cukierki, cypački i rok-n-roł».
Ciapier čytajuć
Biełaruska raspačała čelendž «40 spatkańniaŭ», ale ŭžo na siaredzinie nie chavaje rasčaravańnia ŭ mužčynach54
Kamientary