Яе створаць рэжысёр Дэвід Фінчар і музыка Трэнт Рэзнар.
Пісьменнік Чак Паланік паведаміў журналістам аб падрыхтоўцы рэжысёрам Дэвідам Фінчарам рок-оперы па матывах рамана «Байцоўскі клуб» супольна з музыкам Трэнтам Рэзнарам, перадае The Verge.
Таксама паведамлялася (ва ўжо выдаленым твіце), што над праектам будзе працаваць брадвейскі рэжысёр Джулія Таймар, якая раней працавала над сцэнічнымі адаптацыямі «Караля льва» і «Чалавека-павука».
Імаверна, рок-опера хутчэй будзе арыентавацца не на арыгінальную кнігу ці яе комікс-працяг, а на экранізацыю Дэвіда Фінчара. Рэзнар пісаў саўндтрэкі да апошніх трох фільмаў Фінчара.
***
Арыгінальны раман Паланіка «Байцоўскі Клуб» выйшаў у 1996 годзе і хутка стаў бестсэлерам, у 1999 годзе выйшаў аднайменны фільм з Брэдам Пітам і Эдвардам Нортанам у галоўных ролях, які ўваходзіць у дзясятку любімых фільмаў гледачоў па версіі IMDb. У маі 2015 года былі апублікаваныя першыя старонкі «Байцоўскага клуба-2», комікса за аўтарствам Паланіка з ілюстрацыямі Камерана Сцюарта.
«Байцоўскі клуб» распавядае гісторыю героя сярэдняга ўзросту, стомленага ад шэрага жыцця, сваёй працы і бяссоння. Ён сустракае жвавага прадаўца мыла Тайлера, праціўніка кансюмерызму. Разам яны ладзяць Байцоўскі клуб — спачатку каб проста «выпусціць пару». Пазней клуб перарастае ў анархічны праект «Разгром».
-
У лідара гурта a-ha Мортэна Харкета дыягнаставалі хваробу Паркінсана
-
Ганна Бонд крытыкуе, дэпутатка Мірончык-Іванова спявае пра «крошку»: у Мінску з аншлагам прайшоў канцэрт «Руки вверх»
-
Каб зняць прапагандысцкі кліп, прыдворны кампазітар Алейнік выцягнуў літаральна з-пад кропельніцы 86-гадовую бабулю
Цяпер чытаюць
«У палітыцы была справа». Лукашэнка высветліў, чаму беларусам не хапіла бульбы6
Каментары