Уладальніца беларускага брэнду жаночага адзення Moshe здзівілася шалёным цэнам канкурэнтаў
«Я вам больш скажу: мы выкарыстоўваем адныя і тыя ж тканіны ад адных і тых жа пастаўшчыкоў і краін».
Блогерка і бізнэсвумен Вольга Глеб, якой належыць беларускі брэнд жаночага адзення Moshe, шчыра здзівілася цэнам у канкурэнтаў. Яна лічыць, што ў яе крамах адны з самых нізкіх цэн.
У якасці прыкладу Вольга прывяла адну з сукенак свайго брэнду:
— Яна складаная па дэталях і крою, доўгая з падкладам. На яе ідзе шмат тканіны не звычайнага таннага шыфону, а дастаткова дарагога з фактурай. У нас такая сукенка каштуе 230 рублёў. А ў іншых (я ўбачыла агляд з беларускімі брэндамі) з меншай колькасці тканіны, увогуле без дэталяў — 300-600 рублёў.
Вольга таксама выклала скрыншот размовы з сяброўкай-блогеркай. Тая распавяла, што прымярала сукенку за 530 рублёў, але не набыла — кажа, хоць грошы і не апошнія, але столькі плаціць шкада.
Жонка былога футбаліста Вячаслава Глеба распавяла, што ўсе беларускія (і нават расійскія) брэнды выкарыстоўваюць адныя і тыя ж тканіны ад адных і тых жа пастаўшчыкоў і краін.
Абурае бізнэс-лэдзі і тое, што беларускія брэнды чамусьці адшываюць аднолькавыя мадэлі:
— На гэтую сукенку ў нас вялікі попыт, і засталося зусім няшмат. Але я не хачу рабіць паўтор, бо пабачыла такую самую ў іншага брэнда — літаральна ў суседняй краме. Хаця цана ў нас, канешне, ніжэйшая — на 50 рублёў.
Вольга задаецца пытаннем, ці сапраўды нехта набывае дарагія сукенкі. І ў той самы час не верыць, што ў людзей у Беларусі няма грошай. Бо ў рэстаранах (ад бюджэтных «Васількоў» да самых модных) звычайна няма месцаў.
Колькі ў Беларусі каштуюць табі — модны абутак, які шмат у каго асацыюецца з капытамі
Беларускі брэнд прадае чэпчыкі і пінжакі з пупырыстага поліэтылену
Нятанная сукенка беларускага брэнду сапсавалася пасля першага мыцця
Чаму адзенне беларускіх модных брэндаў каштуе так дорага? Тлумачыць кіраўніца аднаго з іх
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя5
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары