Сіноптык Дзмітрый Рабаў у эфіры АНТ паведаміў, што ў Беларусі з 16 па 22 чэрвеня чакаецца дажджлівае і прахалоднае надвор’е. Ён адзначыў, што працяглага сухога і спякотнага перыяду ў бліжэйшыя дні не прадбачыцца.
Ва ўсе дні тыдня будуць праходзіць дажджы — ад лёгкіх да моцных, а таксама магчымыя навальніцы. Тэмпература паветра застанецца ніжэйшай за звычайную для гэтага часу года.
Панядзелак, 16 чэрвеня, будзе адзіным днём з больш-менш цёплым надвор’ем — да +25 градусаў удзень, але ўжо ў аўторак, 17 чэрвеня, стане халадней — ад +15 да +20 градусаў.
Уся астатняя частка тыдня будзе ветранай (заходні вецер) і мокрай: у сераду, чацвер і пятніцу пройдуць кароткачасовыя дажджы і магчымыя навальніцы, тэмпература ад +17 да +23 градусаў.
На выхадных надвор’е захаваецца няўстойлівым: воблачна з праясненнямі, месцамі дажджы, магчымы туман раніцай. Тэмпература будзе ў межах +7…+20 градусаў у розных рэгіёнах.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6565
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне65
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары