Jak kažuć u čatach: IMXO.
«Strańnik M» — solny prajekt byłoha lidera vielmi stylovaj mienskaj hrupy «Thank You Jesus» Ułada Błahuša. Tady jon śpiavaŭ na anhielskaj movie, ciapier pa-rasiejsku. Jak kažuć u čatach: IMXO. Što było zroblena niekali na anhielskaj, padabałasia mnie značna bolš.
Adnak… «Thank You Jesus» raźbiehlisia pa emihracyjach i kalektyvach, Uład damoviŭsia z najlepšymi muzykami krainy (K.Haračy, V.Baškoŭ, K.Šavando, S.Miadźviedzieŭ, Ju.Hłušyckaja, I.Luty, D.Chamienka i inš.), u vyniku čaho paŭstaŭ hety albom. Zapisany jon byŭ zadoŭha da ŭkrainskaha Majdanu, a tamu nijakaha dačynieńnia da pieramohi Juščanki nia maje.
Maje ŭražańni: kali b nie było Šadźka ź jahonaj «Siestroj», «Strańnik M» moh by pretendavać na ichniaje miesca. Tut i padabienstva muzykaŭ, jakija ŭdzielničali ŭ zapisie, i padabienstva muzyčna-paetyčnaje idealohii, stylistyki. Śpiełaja, hodnaja praca, stylova vytrymanaja i ŭraŭnavažanaja. Nie dla šyrokaj publiki. Dla toj, jakaja žadaje źmiestu, a nia formy; nastroju, a nie farmatu. Nie dla vialikaj zali, a dla klubu, dzie słuchačy i vykanaŭcy — vočy ŭ vočy, dzie niama sumnievu, fanahrama heta ci sapraŭdnyja śpievy.
Tamu ŭ sučasnaj realnaści — anijakaha kamercyjnaha pośpiechu. Asałoda dla žycharoŭ «chruščovak», jakija svoječasova abarvali pravady radyjokropak i tamu nia čujuć na kuchni «ŭsiaho hetaha» — nakštałt «Skryhatańniaŭ Eŭropy». Choć mnohija pieśni z hetaha albomu ŭpisvajucca ŭ stylistyku pop-roku i mahli b zmahacca za ŭjaŭnyja pryzy na televizijnym best-festyvali.
Aryhinalna i z hustam zroblena. Pačakajem nastupnaha albomu, jaki ŭžo na padychodzie.
Ale «Thank You Jesus» było ŭsio ž bolš jaskravaje…
IMCHO-Słuchač
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary