Va Ukrainie rychtujuć zakonaprajekt, jaki dapamoža biełarusam vyrašyć prablemu praterminavanych dakumientaŭ
Ministerstva ŭnutranych spraŭ Ukrainy aficyjna adkazała na zvarot hramadskaha abjadnańnia «Biełaruskaja supolnaść Ukrainy» nakont stanovišča biełarusaŭ z praterminavanymi pašpartami. Pra atrymany adkaz ad MUS Ukrainy paviedamiŭ u fejsbuku kiraŭnik abjadnańnia Alaksiej Franckievič.
«U adkazie MUS adznačajecca, što biełarusy, jakija nie mohuć viarnucca ŭ Biełaruś z-za pahrozy palityčnaha pieraśledu, mohuć źviartacca pa abaronu va Ukrainie ŭ adpaviednaści z Zakonam Ukrainy «Ab biežancach i asobach, jakija patrabujuć dadatkovaj abo časovaj abarony». Takija zvaroty razhladajucca indyvidualna z ulikam usich abstavin kankretnaha čałavieka.
Taksama važna, što MUS paćvierdziła: Dziaržaŭnaj mihracyjnaj słužbaj užo raspracavany asobny zakonaprajekt, jaki pavinien urehulavać pytańnie dakumientavańnia zamiežnikaŭ i asob biez hramadzianstva, u tym liku hramadzian Biełarusi, jakija nie majuć mahčymaści atrymać abo abmianiać pašpartnyja dakumienty praź dziejańni režymu Łukašenki i adsutnaść mahčymaści atrymać pašpart za miežami Biełarusi.
Pry hetym MUS paviedamiła, što nie padtrymała inšy zakonaprajekt, jaki praduhledžvaŭ vydaču dakumientaŭ pa humanitarnych padstavach, pakolki ličyć, što prapanavany miechanizm moža pryvieści da subjektyŭnaj acenki dakumientaŭ i nie zabiaśpiečvaje nieabchodnaj pravavoj vyznačanaści», — piša Alaksiej Franckievič.
Jon źviartaje ŭvahu na pazityŭnaść užo taho faktu, što prablema aficyjna pryznajecca dziaržaŭnymi orhanami Ukrainy, a praca nad jaje vyrašeńniem praciahvajecca. Tym ža, chto ŭžo sutyknuŭsia z prablemaj praterminavanaha pašparta, admovy ŭ abmienie dakumientaŭ abo inšymi składanaściami ź lehalizacyjaj svajho statusu va Ukrainie, prosiać pra heta paviedamlać, bo heta važna dla dalejšaha dyjałohu ź dziaržaŭnymi orhanami.
Biełarusy biez pašpartoŭ va Ukrainie ŭ žniŭni ryzykujuć stać nielehałami — jany nie zmohuć abnavić DNŽ
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu
Mnohija dobraachvotniki aburylisia tym, kamu dali ŭznaharody ad Cichanoŭskaj u Kijevie. Barkoŭski adkazaŭ
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy14
Kamientary