Baćki Kačyńskich paznajomilisia ŭ Baranavičach, ale ažanilisia ŭžo ŭ Polščy.
Zhodna z apoviedami prezydenta Polščy Lecha Kačyńskaha, jon maje biełaruskija karani pa kudzieli. Pa miačy jahony dzied — Alaksandar Kačyński — byŭ čynoŭnikam, prysłanym z etničnaj Polščy ŭ Zachodniuju Biełaruś.
Maci bratoŭ Kačyńskich Jadviha pachodzić z rodu Jasievičaŭ (hierb Ravič), jaki, pavodle jaje słoŭ, naležaŭ da «spalanizavanaj litoŭskaj šlachty». Pradzied prezydentavaj maci Vincent za ŭdzieł u paŭstańni 1863 h. byŭ vysłany ŭ Sibir. Jaho žonka Kanstancyja sama vychavała dvaich dziaciej — Zofju i Stanisłava. Syn Stanisłava Vincent (dzied Kačyńskich pa matčynaj linii) byŭ namieśnikam kamandzira bryhady Vojska polskaha ŭ Baranavičach.
U 1927 h. u Baranavičy sa stancyi z-pad pruskaj miažy pieraviali vysokaha čyhunačnaha čynoŭnika Alaksandra Kačyńskaha. U Baranavičach Kačyńskim žyłosia niadrenna — jany mieli dva damy, vialiki sad i 12 ha lesu. U zachodniebiełaruskim horadzie Alaksandar i paznajomiŭsia ź siamjoj Jasievičaŭ, ale ŭ 1939 h. jaho nakiravali ŭ Bieraście, i znajomstva pierarvałasia. Alaksandar Kačyński nabyŭ u Bieraści vialikuju kamianicu dla siamji, ale skarystacca nabytkam nie ŭdałosia — pačałasia vajna.
Siabroŭstva siemjaŭ adnaviłasia paśla vajny. I ŭžo ŭ 1948 h. u Varšavie ažanilisia Alaksandraŭ syn, udzielnik Varšaŭskaha paŭstańnia, inžyner Rajmund Kačyński i filolah Jadviha Jasievič. 18 červienia 1949 h. u ich naradzilisia syny-bliźniaty Jarasłaŭ i Lech. Ale ich baćki zhadvali pra Biełaruś tolki va ŭspaminach.
Čamu amierykancy tak irvucca na Miesiac, što tam buduć zdabyvać? I što da taho biełarusam? Tłumačyć biełaruski astrafizik6
Kamientary