Były hałkipier zbornaj Biełarusi abjaviŭ siabie achviaraj režymu Łukašenki
Były bramnik zbornaj Biełarusi pa futbole Valery Šantałosaŭ ličyć, što zaviedzienaja suprać jaho kryminalnaja sprava pa artykule 253 KK «Podkup udzielnikaŭ prafesijnych spabornictvaŭ» jość palityčnym zakazam.
Valery Šantałosaŭ |
Były bramnik zbornaj Biełarusi pa futbole Valery Šantałosaŭ u minułuju subotu źviarnuŭsia z adkrytym listom praz «Komsomolskuju pravdu v Novosibirskie».
Šantałosaŭ ličyć, što zaviedzienaja suprać jaho kryminalnaja sprava pa artykule 253 KK «Podkup udzielnikaŭ prafesijnych spabornictvaŭ» jość palityčnym zakazam. A kali bolš dakładna, to — «pomsta pravaachoŭnych orhanaŭ, hałoŭnaha redaktara «Priessboła» Ŭładzimiera Bieražkova i arhanizatara‑vykanaŭcy Hienadzia Tumiłoviča».
Šantałosaŭ zaniepakojeny, što ŭźnikła pahroza spačatku palityčnaj , a paśla fizyčnaj raspravynad im. Bramnik raskazvaje, što na praciahu apošnich dvuch z pałovaj hadoŭ jamu i jahonaj siamji nieadnarazova telefanavali z pahrozami. A dačku Šantałosava vyhnali z universytetu za «svabodamyśleńnie, vyražeńnie svajoj pazycyi i mierkavańniaŭ».
Zajava zakančvajecca nastupnaj frazaj: «U vypadku, kali sa mnoj ci z majoj siamjoj štości zdarycca (fizyčnaja rasprava, jakaja pryviadzie da śmierci členaŭ majoj siamji), prašu ličyć vinavatymi vyšejpieraličanych asob».
Ciapier čytajuć
Kamientary