Prytułak zła - 3, 2, 1
PRYTUŁAK ZŁA 3 (Obitiel zła 3 / Resident Evil: Extinction)
ZŠA – Niamieččyna – Francyja – Vialikabrytanija – Aŭstralija, 2007, kalarovy, 94 chv.
Režyser: Raseł Małkachi
Roli vykonvajuć: Miła Jovavič, Oded Fer, Majk Jeps, Ali Łarter, Jan Hlen, Spenser Łok, Hary Hadsan
Žanr: Fantastyčny zombi-bajavik pavodle scenaru Poła Andersana
Premii: Premija “Genie” za najlepšy hukavy mantaž, naminacyja na premiju “Saturn” za najlepšy hrym – usiaho 2 uznaharody j 3 naminacyi.
Adznaka: 4,5
Suśvietnaja epidemija pieraŭtvaryła ludziej u zombi, źniščyła reki i zaniasła harady piaskom. U padziemnaj labaratoryi navukoŭcy sprabujuć atrymać syrovatku z kłonaŭ Elis (Miła Jovavič) – kab pazbavić zombi kryvažernych instynktaŭ. A sama hierainia (iznoŭ Jovavič) vandruje pa pustyniach, dapamahaje žyvym – i staniecca vyratavalnicaj čałaviectva.
Zombi-historyja ŭ vesternova-piasočnym anturažy.
Raseł Małkachi kradzie ŭ Džordža Ramera klasyčnuju scenu z navučanym zombi, pazyčaje zhraju krumkačoŭ u Alfreda Chičkoka (kab spalić ich telekinezam) – i pieraŭtvaraje hałoŭnaha niahodnika ŭ istotu z ščupalcami. Ale miortvym kamputarnym efektam da žyvych aryhinałaŭ daloka.
Hałoŭnaje ŭ filmie – napaŭaholeny fetyš aktrysy, apranuty ŭ letniuju kalekcyju ad Miły Jovavič – i pamnožany šmatlikimi kopijami. Seansy ŭ mienskich kinateatrach.
PRYTUŁAK ZŁA 2: Apakalipsis (Obitiel zła 2: Apokalipsis / Resident Evil: Apocalypse)
Niamieččyna – Francyja – Vialikabrytanija – Kanada, 2004, kalarovy, 94 chv. (98 pašyranaja versija)
Režyser: Alaksandar Ŭit
Roli vykonvajuć: Miła Jovavič, Sijena Hiłary, Oded Fer, Tomas Krečman, Safi Vavasa, Raz Adoci, Džared Harys, Jan Hlen, Majk Jeps
Žanr: Fantastyčny zombi-bajavik pavodle scenaru Poła Andersana
Premii: Premija “Genie” za najlepšy hukavy mantaž, naminacyja na premiju “Saturn” za najlepšy hrym – usiaho 2 uznaharody j 3 naminacyi.
Adznaka: 5
Miastečka Rakun zachoplena zombi. U navukoŭcy, stvaralnika zombi-virusa – dačka chavajecca ŭ tutejšaje škole. Atrad na čale ź Elis (Miłaj Jovavič) adpraŭlajecca na vyzvaleńnie dziciaci…
Bajavyja sceny, stralanina, ataki žyvych trupaŭ, paloty na matacykle – i dvuboj hieraini z pačvarynaju “Niemiezis”, navučanaj zabivać.
U paraŭnańni ź pieršaju častkaj – bolej hulniovych sutyčak, ale mieniej kino.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim18
Kamientary