Za «ekstremisckija» padpiski pry praviercy na miažy bolš nie sadžajuć na sutki
«Ciapier takoje rasparadžeńnie».
Biełarusaŭ, jakija trapili na ŭlik za ŭdzieł u akcyjach pratestu ci inšuju palityčnuju aktyŭnaść, a taksama ŭsich, chto doŭhi čas byŭ za miažoju, piedantyčna praviarajuć na miažy pa viartańni ŭ Biełaruś. Ale ciapier za «ekstremisckija» padpiski zvyčajna nie adpraŭlajuć na sutki — prynamsi, kali čałaviek na takim trapiŭsia ŭpieršyniu.
Padychod źmianiŭsia kala dvuch miesiacaŭ tamu. «Našaj Nivie» viadoma pra niekalki vypadkaŭ, kali ŭ ludziej znachodzili ŭ mabilnikach vypadkova pakinutyja padpiski na niezaležnyja miedyjaresursy ci akaŭnty palityčnych aktyvistaŭ, pryznanyja «ekstremisckimi», advozili ŭ RUUS — i tam vypisvali papiaredžańnie, dyj hetym abmiažoŭvalisia.
«Kali b vy raniej jechali, adpravili b na sutki, a ciapier takoje rasparadžeńnie», — kazali śpiecsłužbisty na miažy.
Pry hetym nieviadoma, ci abmiažoŭvajucca papiaredžańniem, kali ŭ čałavieka znajšli zabaronienyja padpiski paŭtorna.
Sama pravierka telefona prachodzić davoli detalova — vyvučajuć halereju fota, padpiski i čaty ŭ telehramie, padpiski ŭ instahramie.
Časta, aproč ahladu telefona, ludziej z pratesnym minułym prymušajuć raspranacca dahała na miažy.
Kamientary