Biełaruskaja błohierka źjeździła ź siabroŭkami ŭ Picier i pierakananaja, što zasialiłasia ŭ kvateru z «pałterhiejstam»
Inakš patłumačyć toje, što adbyvałasia tam, dziaŭčaty nie zmahli.
32‑hadovaja Alena z Bresta i jašče siem jaje siabrovak pryjechali na niekalki dzion pahulać pa Pieciarburhu. Žančyny źniali staruju kvateru ŭ histaryčnym domie pačatku XX stahodździa na Rubinštejna, piša telehram-kanał Shot. Kaliści tut žyli viadomyja piśmieńniki i paety, a zaraz na vulicy šumnyja bary. Za try nočy siabroŭki zapłacili 2000 biełaruskich rubloŭ za vaśmiarych.
Biełaruski apisvali, što amal adrazu ŭ kvatery pačali adbyvacca dziŭnyja rečy: z kamory danosilisia niezrazumiełyja huki, rečy apynalisia nie na svaich miescach, a lampačka pastajanna mihcieła. Prablemy sa śviatłom dziaŭčaty śpisali na stary dom. Ale inšaje nie zmahli patłumačyć. Pierad špacyram siabroŭki vystavili ŭvieś abutak u kalidory ŭ linieječku. A kali, viarnulisia, kažuć, što ŭsio było raskidana pa pakoi. Haspadynia, upeŭnieny jany, nie zachodziła b bieź ich.
Dziaŭčaty chacieli źjechać u inšuju kvateru, ale chutka na takuju vialikuju kampaniju ničoha nie znajšli, tamu zastalisia.
Adnaja z tych turystak — papularnaja błohierka z Bresta Alena Ihnatovič (u jaje 117 tysiač padpisčykaŭ u instahramie). Jana prapanuje inšym pasłuhi raskručvańnia błohaŭ. Taja historyja ŭ Piciery, jak akazałasia, adbyłasia jašče letaś u krasaviku — videa z pajezdki zachavalisia ŭ instahramie Aleny.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Ci to ŭ ich tam kryzis žanru, ci ŭsie ich błohi, darujcie, połterhiejst.