Fiaduta nazvaŭ piać biełaruskich knih, jakija treba abaviazkova pračytać biełarusam i zamiežnikam
Siarod ich tvory Bykava i Karatkieviča. Što jašče?
Litaraturaznaŭca i palittechnołah Alaksandr Fiaduta ŭ intervju Mikałaju Chalezinu nazvaŭ biełaruskija knihi, jakija abaviazkova treba pračytać biełarusam, kab zrazumieć, chto jany takija.
Pieršaja kniha — «Kałasy pad siarpom tvaim» Uładzimira Karatkieviča.
«Heta nie najlepšy tvor Karatkieviča, ale heta samaja važnaja kniha biełarusaŭ, napisanaja ŭ XX stahodździ. Tamu što heta kniha ab tym, jak stanoviacca biełarusami», — tłumačyć Fiaduta.
Druhaja kniha — «Ludzi na bałocie» Ivana Mieleža.
«Tam raskazana pra trahiedyju kalektyvizacyi. Ab tym, jak, pryjšoŭšy ź niadkul, balšavik raptam pačynaje kamandavać haspadarami svajoj ziamli. Heta tekst strašnaj siły».
Treci tvor — «U tumanie» Vasila Bykava. «Adna z samych mocnych rečaŭ, moža być, naohuł va ŭsioj biełaruskaj litaratury», — kamientuje litaraturaznaŭca.
Čaćviortaja kniha — «Dźvie dušy» Maksima Hareckaha. A piataja — «Čas sekand-chend» Śviatłany Aleksijevič.
Fiaduta skłaŭ taksama piaciorku biełaruskich knih dla zamiežnikaŭ, jakija tłumačać sutnaść biełarusaŭ.
Heta «Ludzi na bałocie» Ivana Mieleža, «Čužaja baćkaŭščyna» Viačasłava Adamčyka, «Vieršalinski raj» Alaksieja Karpiuka, «U tumanie» Vasila Bykava i «Ładździa rospačy» Uładzimira Karatkieviča.
«Biełarusy pavinny zrabić usio mahčymaje dla taho, kab hetyja knihi byli pierakładzieny na inšyja movy», — kaža Fiaduta.
Aryštavanaja i ŭratavanaja: Fiaduta vydaŭ knihu pra hałoŭny tvor biełaruskaj litaratury
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć
Bialacki: «Treba vydavać knihi na biełaruskaj movie. Pa-rusku knihi treba vydavać u Rasii». Fiaduta aburyŭsia
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary