U Lijanela — asist. Paŭfinał z Anhlijaj.
Zbornaja Arhienciny vyjšła ŭ paŭfinał čempijanatu śvietu, u dadatkovy čas vyrvaŭšy pieramohu ŭ Šviejcaryi — 3:1
Zbornaja adkryła lik na 10‑j chvilinie — zabiŭ MakAlistar z pasu Miesi, na 67‑j Ndaje zraŭniaŭ, ale na 72‑j Embało byŭ vydaleny z pola za druhuju žoŭtuju, i Šviejcaryja zastałasia ŭdziesiacioch. I potym mužna adbivałasia da kanca asnoŭnaha času.
Charakterny momant adbyŭsia na 82‑j chvilinie pry liku 1:1.
Miesi ŭ niejkaj atacy źbili z noh, parušeńnia nie było, arhienciniec palažaŭ siekund piać na hazonie i chutka ŭźniaŭsia dy pabieh dalej šukać šlachi da varot Šviejcaryi. A praź dźvie chviliny vyjšaŭ adzin na adzin z hałkipieram šviejcarcaŭ Kobielem, ale bakavy sudździa ŭźniaŭ ściažok: afsajd.
Asnoŭny čas skončyŭsia 1:1.
U dadatkovy čas na 112‑j chvilinie Chulijan Alvares zabiŭ hoł, a ŭ samym kancy dadatkovaha času kropku pastaviŭ Łaŭtara Marcinies — 3:1.
Takim čynam paŭfinały:
Francyja — Ispanija (aŭtorak, 22:00)
Anhlija — Arhiencina (sierada, 22:00).
Finał u nastupnuju niadzielu, 19 lipienia.
Arhiencina vyjhrała minuły čempijanat śvietu, ale z 1962 hoda nivodnaja zbornaja dvojčy zapar nie vyjhravała mundyjal. U 1958 i 1962 hoda ČS zapar vyjhravała Brazilija, i ŭsio, jak adrezała, tolki ź pierapynkam pamiž mundyjalami.
Naprykład, Arhiencina vyjhrała ČS-1986, u finale 1990 hoda prajhrała FRH, Brazilija pieramahła na mundyjali ŭ 1994 hodzie, u finale 1998 hoda prajhrała Francyi. Francyja vyjhrała ČS u 2018 hodzie, a ŭ 2022 hodzie ŭ finale pa pienalci sastupiła Arhiencinie.
Pryčym minułamu pieramožcu jašče treba vyjści ŭ finał, niekatoryja navat u płej-of nie vychodziać. Jak Hiermanija ŭ 2018 hodzie.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU3
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu55
Kamientary
Ja hetaha nie razumieju, heta ž nacyjanalnaja kamanda, a nie bazar.