Heta kitajskaja marka.
Aficyjny dystrybjutar Changan u Biełarusi abviaściŭ canu na elektryčny siedan UNI-L. Jaho pazicyjanujuć jak adno z samych dastupnych elektryčnych aŭto D-kłasa, aficyjna pradstaŭlenych u krainie, paviedamlaje av.by.
Daŭžynia madeli — 4 785 mm, šyrynia — 1 840 mm, vyšynia — 1 470 mm, a kołavaja baza dasiahaje 2 765 mm. Aŭtamabil pabudavany na firmiennaj piaredniepryvadnaj elektryčnaj płatformie. Elektraruchavik raźvivaje 143 k.s. Jomistaść ciahavaj batarei CATL składaje 51,9 kVt·h. Zajaŭleny zapas chodu — da 530 km (pa kitajskim cykle CLTC).
U Changan UNI-L budzie azdobleny pierfaravanaj skuraj sałon, «zavisłaja» centralnaja kansol, 10, 25‑calevaja ličbavaja panel pryboraŭ i multymiedyjny ekran takoj ža dyjahanali, biesklučavy dostup, Bluetooth Hands Free i mnohaje inšaje.
Siarod «razumnych pamočnikaŭ» praduhledžany sistema elektronnaj stabilizacyi ESP, sistema dapamohi pry padjomie HSA, sistema kantrolu cisku ŭ šynach TPMS, a taksama kamiera zadniaha ahladu, asistent parkoŭki i inšyja opcyi.
Kaštuje siedan 49 900 rubloŭ (prykładna 17 445 dalaraŭ u ekvivalencie).
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary