Alaksandr Łukašenka dahetul nie pavinšavaŭ mitr. Paŭła z pryznačeńniem

25 śniežnia Śviaty Sinod Ruskaj pravasłaŭnaj carkvy niečakana pryznačyŭ kiraŭnikom BPC mitrapalita Razanskaha Paŭła — nie biełarusa i jaki nikoli nie žyŭ u Biełarusi.

Z hledzišča biełaruskich zakonaŭ, lehitymnym kiraŭnikom BPC mitrapalit Pavieł moža stać tolki paśla taho, jak atrymaje biełaruskaje hramadzianstva. Takoje pałažeńnie praduhledžana Zakonam «Ab svabodzie sumleńnia i relihijnych arhanizacyjach», artykuł 13: «Kiraŭnikom relihijnaj arhanizacyi moža być tolki hramadzianin Respubliki Biełaruś».

Mahčyma, Alaksandr Łukašenka čakaje ź vinšavańniem da vykanańnia hetaj farmalnaści. Kab padkreślić novamu pradstajacielu, chto ŭ chacie haspadar.

Patryjarch Kirył svaim rašeńniem pastaviŭ u Minsk čužoha čałavieka. Hetym jon padkreśliŭ zaležny status Biełaruskaj pravasłaŭnaj carkvy.

Heta taksama vyjaŭlaje niedavier Maskvy da biełarusaŭ, jakija, bajacca ŭ RPC, chočuć zrabić Biełaruskuju pravasłaŭnuju carkvu samakiravanaj i bolš biełaruskaj, jakoj stała ŭžo Ukrainskaja.

Heta taksama vyklik Alaksandru Łukašenku, jaki śćviardžaje, što ŭ sajuzie z Rasijaj Biełaruś maje niezaležnaść.

Pryznačeńnie Paŭła vyklikała pratest i rasčaravańnie va ŭłońni biełaruskaha pravasłaŭja, anitrochi nie mienš staražytnaha, čym maskoŭskaje.

Śviaty Sinod pastanaviŭ zadavolić prašeńnie, padadzienaje mitrapalitam Minskim i Słuckim Fiłaretam, Patryjaršym Ekzarcham usiaje Biełarusi, ab adstaŭcy ŭ suviazi z dasiahnieńniem 75- hadovaha ŭzrostu. Mitrapalit Fiłaret, jak viadoma, ciažka chvareŭ na dyjabiet. Prašeńnie jon padaŭ jašče try hady tamu, i voś tolki ciapier patryjarch Kirył pryniaŭ rašeńnie.

Mitrapalit Fiłaret (Vachramiejeŭ) taksama nie byŭ biełarusam i taksama da pryznačeńnia nikoli nie pracavaŭ u Biełarusi.

Mnohija japiskapy i śviatary pravasłaŭnaj carkvy spadziavalisia, što novym kiraŭnikom carkvy stanie hetym razam biełarus. Nazyvalisia imiony archijepiskapa Viciebskaha, jepiskapa Navahrudskaha abo, prynamsi, archijerejaŭ-biełarusaŭ, što słužać u Rasii.

I Ukrainskaj, i Polskaj, i inšymi pravasłaŭnymi cerkvami kirujuć miascovyja ludzi.

Mitrapalit Pavieł vystupaŭ z zajavami impierska-nacyjanalistyčnaha tołku. U pryvatnaści, jon zajaviŭ, što Rasija moža šantažavać śviet jadziernaj i baktryjałahičnaj zbrojaj i zdolnaja «adkryć čarnobylski kranik», kab pakarać svaich praciŭnikaŭ.

U adzin dzień z abviaščeńniem ab pryznačeńni mitr. Paŭła stała viadoma pra vydzialeńnie Biełarusi rasijskaha kredytu na 2 miljardy dalaraŭ biez asablivych umovaŭ.

Apytanka

• 0
• 0
• 0
• 0
• 0
• 0
• 0
• 0