U Vatykanie siońnia adbyłasia cyrymonija kananizacyi pantyfikaŭ Jana Paŭła II i Jana XXIII. Na cyrymonii staršyniavali papa Rymski Francišak i jaho papiarednik Bieniedykt XVI.
Suśvietnyja miedyi nazyvajuć siońniašnija ŭračystaści «niadzielaj čatyroch papaŭ». Za dźvie tysiačy hadoŭ isnavańnia carkvy ŭpieršyniu dva papy zaličvajuć da liku śviatych dvuch svaich papiarednikaŭ.
Bolš za miljon pałomnikaŭ i turystaŭ prybyli ŭ Rym dla ŭdziełu ŭ cyrymonii. Prysutničajuć 34 kiraŭniki krainaŭ i ŭradaŭ. Ukrainskuju aficyjnuju delehacyju ŭznačalvaje v. a. ministra zamiežnych spraŭ Andrej Dzieščyca. Padzieju aśviatlajuć dźvie tysiačy žurnalistaŭ.
Jan Pavieł II (Karal Vajtyła, vychadziec z Polščy) uznačalvaŭ katalickuju carkvu z 1978 pa 2005 h.
Jan XXIII (Anhieła Džuzepie Ronkali ź Italii), viadomy taksama jak «Dobry Papa», uznačalvaŭ katalickuju carkvu z 1958 pa 1963 hady.
Zaličeńnie papy da liku śviatych nie adbyvałasia ŭ katalickaj carkvy apošnija 60 hadoŭ. Apošnim śviatym papam ličyŭsia Pij Ch, kananizavany ŭ 1954 hodzie.
Kamientary