Ukrainskija ŭłady nie zdoleli adnavić kantrol nad Danieckaj i Łuhanskaj abłaściami napiaredadni abvieščanaha sieparatystami refierendumu.
Na 11 maja sieparatysty Danbasa abviaścili ab praviadzieńni refierendumu ab stvareńni Danieckaj i Łuhanskaj narodnych respublik. Heta, kaniečnie, jašče horšy fars, čym krymski refierendum. Bieź śpisu vybarcaŭ, biez učastkaŭ dla hałasavańnia. U rehijonie iduć bai, dziejničajuć uzbrojenyja hrupoŭki, i tut — plebiscyt.
Ale arhanizatary nie asabliva dbajuć pra realnaje hałasavańnie. Im važna, kab nie było nikoha na miescach, chto b asprečyŭ vyniki.
Ukraincy sprabavali likvidavać bajevikoŭ, ale nie zdoleli. Jany spynilisia na podstupach da Słavianska, u pryharadach Kramatorska. Učora Nacyjanalnaja hvardyja pakinuła Maryupal. Takim čynam, i hety horad, dzie ŭkraincy supraciŭlalisia najdaŭžej, apynuŭsia ŭ rukach bajevikoŭ.
Čamu takoje adbyvajecca? Sieparatysty vydatna ŭzbrojenyja — ich lohkaje ŭzbrajeńnie navat lepšaje, čym va ŭkrainskaj armii. Akramia taho,
Ukrainskija siłaviki zachoŭvajuć viernaść Ukrainie, ale vajavać da kryvi ŭ masie svajoj nie chočuć.
Typovaja situacyja: sieparatysty ŭryvajucca na pamiežny post, pačynajuć stralać. Pamiežniki adychodziać. Praź miažu prajazdžaje kanvoj z rasijskimi «dobraachvotnikami» i zbrojaj, sieparatysty źjazdžajuć, ukrainskija pamiežniki viartajucca na pasty.
Učora bajeviki napali na sanatoryj, dzie byli raźmieščanyja sałdaty Unutranych vojskaŭ. Adkryli stralaninu, i ŭkraincy zdali zbroju. Terarysty zachapili niekalki socień aŭtamataŭ.
Ukrainskija ŭłady pryznajuć, što sieparatystaŭ masava padtrymlivajuć žychary Danbasa.
Sacyjołahi addaŭna kanstatavali, što rehijon padzieleny napałam. Pałova žycharoŭ chacieła b abjadnańnia z Rasijaj, druhaja pałova — adzinstva z Ukrainaj.
Pieršaja pałova akazałasia ŭzbrojenaja rasijskaj zbrojaj i halvanizavanaja ahresiŭnaj rasijskaj prapahandaj. Jana maje nieabmiežavanyja finansavyja resursy ad Rasii i Janukoviča. A druhaja pałova — heta ludzi, u bolšaści svajoj nie hatovyja da ŭzbrojenaj baraćby, jakaja adna siońnia vyrašaje budučyniu rehijona.
Tamu, navat kali realna zaŭtra prahałasujuć ličanyja pracenty vybarcaŭ na ŭčastkach, stvoranych dla karcinki rasijskaha telebačańnia, niezaležnaść Danieckaj respubliki budzie abvieščana pad dułami aŭtamataŭ. I nie tolki aŭtamataŭ — procitankavych hranatamiotaŭ i zienitnych kompleksaŭ.
Procistajać takim płanam možna tolki sposabami vajennaha času.
Ale ŭkrainskija ŭłady nie dali zahadu biaźlitasnaha adstrełu kožnaha čałavieka sa zbrojaj, nie zakryli miežaŭ, nie likvidavali Kampartyi i Partyi rehijonaŭ jak struktur, što, faktyčna, dziejničajuć na razvał krainy. Nie dali zahadu — bo nie chacieli antahanizavać miascovaje nasielnictva. A jašče bajacca adkrytaha rasijskaha ŭvarvańnia.
Niama sumnievaŭ, što paśla ŭstalavańnia kantrolu nad Danbasam bajeviki pierajeduć u Charkaŭ i Zaparožža. I tak dalej.
Nieabvieščanaja vajna va Ukrainie moža zaciahnucca na nieakreśleny čas.
Anžaliku Mielnikavu bačyli ŭ Minsku ŭ «Dana Mole»53
Kamientary