U Dobrušy zamiežnik zabiŭ ciažarnuju žonku i kala jaje trupa zhvałciŭ padčarku
Kali siłaviki pryjechali jaho zatrymlivać, jon uziaŭ dziaŭčynu ŭ zakładnicy.
Jak paviedamlaje prakuratura, mužčyna ŭ vieraśni 2023 hoda mučyŭ na toj momant 16‑hadovuju padčarku, źbivaŭ i dušyŭ jaje. Adna z padstaŭ — vykarystańnie dziaŭčynkaj mabilnaha telefona.
Jon ža, znachodziačysia 9 kastryčnika 2025 hoda ŭ stanie ałkaholnaha apjanieńnia ŭ Dobrušy, z asablivaj žorstkaściu zabiŭ svaju ciažarnuju žonku. Nanios joj u prysutnaści jaje małaletnich dziaciej nie mienš za dva ŭdary nažom u hrudnuju kletku i šyju. Paciarpiełaja pamierła na miescy zdareńnia.
Potym mužčyna staŭ źbivać 16‑hadovaha pasynka, jaki zastupiŭsia za maci.
Dalej mužčyna, pahražajučy nažom, zhvałciŭ padčarku kala cieła zabitaj žonki.
Kali pryjechaŭ AMAP, mužčyna ŭziaŭ padčarku ŭ zakładniki. Jon trymaŭ kala jaje nož i prymušaŭ amapaŭcaŭ addać jamu zbroju. Tyja pavalili jaho i vyzvalili dziaŭčynku.
U toj ža dzień usich dziaciej zabrali ŭ balnicu, paśla — u terytaryjalny sacyjalna-piedahahičny centr. Paźniej ich usich razam uładkavali ŭ adnu pryjomnuju siamju.
Na siońnia abvinavačany pazbaŭleny baćkoŭskich pravoŭ u dačynieńni da svaich traich dziaciej.
Ciapier zabojcu buduć sudzić, jamu pahražaje rasstreł.
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy41
Kamientary