U staŭbcoŭskim šmatpaviarchoviku ŭžo try hady nie mohuć vyrašyć prablemu ź iržavaj vadoj
Žychary doma na vulicy Miru, 3 u Stoŭbcach, jaki pabudavali ŭ 2012 hodzie, kažuć, što raniej vada z krana była čystaja i prydatnaja dla pićcia. Ale kala troch hadoŭ tamu, kali pobač pačali budavać novy mikrarajon, situacyja źmianiłasia: z kranaŭ pačała iści ržavaja vada ź piaskom, piša «Minskaja praŭda».
Staršynia žyllova-budaŭničaha kaapieratyva razam z adnoj z žycharak padčas pryjomu hramadzian u staršyni Minskaha abłvykankama Alaksieja Kušnarenki raskazała, što prablema, kolki nie skardzilisia i nie padymali pytańnie, zastajecca niaźmiennaj.
Pa słovach žycharoŭ, im davodzicca rehularna mianiać filtry, a taksama ad hetaj situacyi ciarpić bytavaja technika — naprykład, pralnyja mašyny ržaviejuć znutry, a bializna kiepska admyvajecca. Pry hetym jakaść vady niestabilnaja: siońnia jana moža być brudnaja, a zaŭtra — čystaja.
Ułady adznačajuć, što pa vynikach analizaŭ vada ŭ hetym rajonie sapraŭdy maje pieravyšeńnie ŭtrymańnia žaleza i nie adpaviadaje idealnym normam. Raniej pry padrychtoŭcy da abłasnoha śviata ŭ horadzie ŭžo abnaŭlali častku sietak, ale niekatoryja ŭčastki zastalisia starymi. Ciapier rychtujecca prajekt pa zamienie jašče adnaho adrezka vodapravodu.
Čynoŭniki zajaŭlajuć, što sistemu pramyvali i brali novyja proby vady, adnak karotkačasovyja paharšeńni jakaści ŭsio adno mahčymyja.
Kiraŭnictva vobłaści padkreślivaje, što prablemu treba kančatkova vyrašyć i, kali spatrebicca, pravieści poŭnuju zamienu sietak vodazabieśpiačeńnia.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy71
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary