Kostki, pierje i vada ŭ faršy. Biełarusy skardziacca na pradukcyju «Piatruchi»
Za adnu ranicu adrazu dva pakupniki znajšli kostki ŭ viandlinie «Piatrucha». U sacsietkach śćviardžajuć, što heta nie adzinkavyja vypadki, piša BGmedia.
Za apošni čas u sacsietkach źjaviłasia adrazu niekalki skarhaŭ na pradukcyju pad brendam «Piatrucha». Pryčym niekatoryja ź ich uźnikli litaralna ŭ adzin i toj ža dzień.
«Ledź nie złamaŭ zuby»
Adzin z pakupnikoŭ raskazaŭ u Threads, što padčas śniadanku znajšoŭ u viandlinie kości da adnaho santymietra. Pavodle jaho słoŭ, situacyja mahła skončycca traŭmaj:
«Takija rečy mohuć nanieści škodu zdaroŭju. Siońnia ranicaj ledź nie złamaŭ zuby», — napisaŭ jon.
Praktyčna adnačasova inšaja pakupnica paviedamiła pra padobnuju prablemu: u viandlinnym baleronie taho ž brenda jana taksama znajšła kostki.
«Heta nie vypadkovaść»
U kamientaryjach pad takimi publikacyjami inšyja biełarusy śćviardžajuć, što padobnyja znachodki — nie redkaść. Ludzi pišuć pra pierje, chrastki i navat staronnija pachi:
- «Pierje ŭ hetaj pradukcyi — zvyčajnaja sprava».
- «Byvaje pach mašynnaj alivy».
- «Ja taksama kaliści złamaŭ zub ab takuju kaŭbasu».
Reakcyja vytvorcy
Paśla adnoj sa skarhaŭ pradstaŭniki kampanii adkazali pakupniku ŭ sacsietkach. Jany paviedamili, što źviazalisia z aŭtaram praz asabistyja paviedamleńni, pieradali infarmacyju ŭ adździeł jakaści, a taksama pačali ŭnutranaje raźbiralnictva.
Adnak publičnych vysnoŭ abo tłumačeńniaŭ adnosna skarhaŭ spažyŭcoŭ pakul nie było.
Nie tolki kaŭbasa: skarhi na farš
Heta nie pieršyja pytańni da jakaści pradukcyi «Piatruchi». Raniej u TikTok nabraŭ papularnaść rolik, dzie biełaruska krytykavała kuryny farš taho ž brenda. Pavodle jaje, u pradukcie było zanadta šmat vadkaści — da 150—180 hramaŭ:
«Ja kuplała farš, a nie vadu. Čamu pavinna za heta płacić?» — aburyłasia žančyna.
Jana taksama padkreśliła, što ŭpakoŭka była cełaja, a značyć prablema, na jaje dumku, źviazanaja mienavita z vytvorčaściu.
Brend «Piatrucha» naležyć kampanii «Siervaluks Ahra», jakaja ŭvachodzić u hrupu «Siervaluks» — adnaho z bujnych vytvorcaŭ miasa ptuški ŭ Biełarusi. Jaje ŭładalnik — viadomy biznesmien Jaŭhien Baskin.
Kamientary
Adna nazva čaho vartaja "pietrucha"