Na ŭčastki pryjšli tolki 15% vybarcaŭ.
Suprać refierendumu ahitavali kiraŭniki krainy. Na ich dumku, pieramoha plebiscytu ab zabaronie prodažu ziamli zamiežnikam moža źmienšyć inviestycyjnuju pryvabnaść krainy i parušyć jaje zabaviazańni ŭ Jeŭrasajuzie.
Litoŭcy prahałasavali nahami. Na ŭčastki pryjšli mienš za 15% vybarcaŭ. Pryčym «za» prahałasavali ŭsiaho 268 tysiač — mienš za 300 tysiač podpisaŭ za praviadzieńnie refierendumu, jakija nibyta naźbirali arhanizatary.
Prezidentka Dala Hrybaŭskajcie na refierendum chadziła, kab vykanać svoj hramadzianski abaviazak, ale pra miesca i čas hałasavańnia nie paviedamlała, a taksama nie zrabiła vychadu da presy. Takim dalikatnym sposabam jana vykazała svaju niazhodu z prapanovami inicyjataraŭ apytańnia.
Choć biełaruskaja kanstytucyja praduhledžvaje prava hramadzianaŭ sklikać refierendum šlacham zboru podpisaŭ, arhanizavanaha zboram podpisaŭ u Biełarusi nie było ni razu.
Viedamstva spadaryni Jarmošynaj kožny raz admaŭlajecca zarehistravać inicyjatyŭnyja hrupy, jakija majuć namier sabrać podpisy, nieabchodnyja dla plebiscytu.
Tak zdaryłasia, naprykład, u pytańniach ab pabudovie AES i ab demakratyzacyi zakanadaŭstva.
Ciapier čytajuć
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4444
Kamientary