Ukrainskaja armija vyzvaliła Rubiežnaje, kamandzir bajevikoŭ pahražaje adpomścić rasijskim palitykam
«Ź dziesiaci RPH spracavała tolki try!!! Ničoha inšaha nie možam procipastavić tankam! Ja klanusia, kali zastanusia žyvy, ja pastaŭlu na kaleni pierad ich [zabitych bajevikoŭ] mahiłami tych, chto pijarycca na hetaj vajnie i buduje svaju palityčnuju budučyniu! Ja prymušu pakutavać tych, chto zarablaje na žyćciach chłapcoŭ, što hinuć za praŭdu!» — taki adčajny zapis na sajcie bajevikoŭ zrabiŭ kamandzir złučeńnia «Pryvid» Alaksiej Mazhavy.
Atrad Mazhavoha baronić atočanyja ŭkraincami Lisičansk i Sievieradanieck. Pazaŭčora ŭkraincy zamknuli kołca vakoł hetych haradoŭ, a siońnia rubiažy abarony terarystaŭ stali padać.
«Siońnia ja straciŭ amal ceły ŭzvod. Chłopcaŭ prosta dušyli tankami», — narakaje Mazhavy.
Ukrainskaja armija vyzvaliła Rubiežnaje i Vajavodaŭku. Mazhavy skardzicca na vyčarpańnie bojeprypasaŭ.
Ukrainskija vojski pierarezali darohu, što źviazvaje Sievieradanieck i Łuhansk, 18 lipienia ŭranku. Heta adbyłosia ŭ rajonie Słavianasierbska, paćvierdzili resursy, blizkija da DNR i ŁNR. Sproby bajevikoŭ prarvać kołca pośpiechu nie mieli.
U dadzieny momant abłoha haradoŭ praciahvajecca.
Bajeviki majuć u haradach mocny harnizon na čale z palavym kamandziram «Mazhavym». Jak i na zachodnim fłanhu ŭ Słaviansku i na paŭdniovym fłanhu ŭ Śniežnym, na paŭnočnym fłanhu ŭ Sievieradaniecku, a taksama ŭ samich Łuhansku j Daniecku, jadro šturmavych hrup skłali rasijskija śpiecnazaŭcy.
Sievieradanieck i Lisičansk majuć vialikaje stratehičnaje značeńnie. Nie tolki tamu, što trymajuć z poŭnačy, u siarednim ciačeńni Sievierskaha Danca, podstupy da Daniecka i Łuhanska.
Reč jašče i ŭ tym, što ŭ Lisičansku mieścicca naftapierapracoŭčy zavod «Rośniefti», a ŭ jaho reziervuarach jość značnyja reštki naftapraduktaŭ. Jany, darečy, u vyniku bajavych dziejańniaŭ zaharelisia. Słupy dymu bačnyja za 30 km ad miesca padziej.
Dva dni ŭkrainskija artyleryja mietadyčna abstrelvała pazicyi bajevikoŭ na ŭskrajkaŭ atočanych haradoŭ.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ4
Kamientary