U Minsku ŭ prastory CECH adkryłasia vystava «Vizualnyja vobrazy histaryčnaj pamiaci, albo Vialikaje Kniastva Litoŭskaje na staražytnych hieahrafičnych mapach».
Bolš za miesiac – da 31 žniŭnia – usie zacikaŭlenyja zmohuć ubačyć histaryčnyja artefakty, jakija pradstaŭlajuć Biełaruś u inšych histaryčnych rakursach i maštabach.
Arhanizatary vystavy - Biełaruskaja fiłasofskaja prastora, Latučy univiersitet, Vydaviectva «Ekanompres», kreatyŭnaja prastora CECH - zapłanavali dziela hetaha dźvie intelektualnyja imprezy – dyskusija «Dzie ŭ Suśviecie płyvie Biełaruś» (1 žniŭnia, 18.00, prastora CECH) i dyskusija «Biełaruskaja kartahrafija jak dyscyplina i padmurak samavyznačeńnia» (13 žniŭnia, 18.00, prastora CECH).
Pieršaja dyskusija skiroŭvaje nas da prablemy niezavieršanaści etnakulturnaj samaidentyfikacyi biełarusaŭ: Jak i dzie my «znachodzim siabie»? U jakich miežach vyznačajem – hieahrafičnych, palityčnych, kulturnych? Kali ŭsprymać mapy jak svojeasablivuju optyku kankretnaj epochi, to nakolki zdolnyja staražytnyja mapy stać srodkam transfarmacyi śviadomaści sučasnych biełarusaŭ?
Nad hetymi i inšymi pytańniami razvažajuć zaprošanyja dyskutanty – fiłosaf i litaratar Ihar Babkoŭ, bahasłoŭ i kulturołah Iryna Dubianieckaja, dyzajnier i paet Michał Aniempadystaŭ, fiłosaf Alaksandr Sarna. Viadučy dyskusii – fiłosaf Pavieł Barkoŭski.
Dyskusija «Dzie ŭ Suśviecie płyvie Biełaruś» adbudziecca 1 žniŭnia a 18.00 u prastory CECH (pr-t Niezaležnaści, 58/k.6, z boku vuł. P. Broŭki).
Uvachod volny!
Što tyčycca dyskusii «Biełaruskaja kartahrafija jak dyscyplina i padmurak samavyznačeńnia», to tut arhanizatary rychtujuć peŭnuju intryhu. Padrabiaznaści ŭ bližejšy čas - sačycie za aktualnaj infarmacyjaj na sajtach arhanizataraŭ – www.fly-uni.org, www.prastora.org
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny9
Kamientary