Na vajnie va Ukrainie paranili palityka, eks-deputata Aleha Ciahniboka
U aŭtamabil trapiŭ dron.
Na froncie atrymaŭ ranieńnie były narodny deputat, staršynia abjadańnia «Svaboda» Aleh Ciahnibok, piša UNIAN.
Pra heta paviedamiŭ haradski hałava Ivana-Frankoŭska Rusłan Marcinkiŭ: «Aleh Ciahnibok paranieny na froncie. Jon razam z tavaryšami byŭ u adnym aŭtamabili, u jaki trapiŭ varožy dron. Žadajem chutkaha adnaŭleńnia!», — napisaŭ mer horada.
Aleh Ciahnibok naradziŭsia ŭ Lvovie ŭ 1968 hodzie. Lidaram partyi «Svaboda» staŭ u 2004 hodzie. Jon byŭ narodnym deputatam troch sklikańniaŭ, taksama dvojčy bałatavaŭsia na prezidenta Ukrainy. Na vybarach 2014 hoda nabraŭ 1,16 pracenta, zaniaŭšy 10‑ie miesca, ale abahnaŭ Dźmitryja Jaraša, u jakoha było 0,7 pracenta.
Ciahnibok jašče da anieksii prapanoŭvaŭ pazbavić Krym jaho aŭtanomnaha statusu i papiaredžvaŭ, što ŭsia Rasija «chvoraja na impierski sindrom».
Byŭ adnym ź lidaraŭ Majdana 2013‑2014 hadoŭ.
Razam z Arsieniem Jacaniukom, Vitalom Kličko braŭ udzieł u pieramovach ź Janukovičam u studzieni 2014 hoda.
Byŭ viadomy svajoj antyrasijskaj rytorykaj, a taksama časam dapuskaŭ antysiemickija kamientary. U 2013 hodzie prapanavaŭ patrabavać ad Rasii kampiensacyi za Haładamor.
Paśla pačatku poŭnamaštabnaha ŭvarvańnia Rasii va Ukrainu jon dobraachvotna dałučyŭsia da USU. Ciahnibok pajšoŭ u vojska ŭ pieršyja dni ŭvarvańnia — u kancy lutaha 2022 hoda.
Słužyŭ u strukturach śpiecapieracyj, a paźniej — u składzie 128‑j bryhady «Dzikaje Pole», dzie zajmaŭ pasadu namieśnika kamandzira bataljona. Maje zvańnie padpałkoŭnika.
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii5
Kamientary