Łukašenka zajaviŭ, što ŭ padziejach va Ukrainie vinavaty Janukovič, i bolš nichto
Alaksandr Łukašenka miarkuje, što były prezident Ukrainy Viktar Janukovič sam vinavaty ŭ tym, što straciŭ svaju pasadu. I jon ža niasie hałoŭnuju adkaznaść za ŭsie padziei, što razharnulisia va Ukrainie paśla.
«Pry Viktaru Fiodaraviču Janukoviču była stvorana takaja sistema kiravańnia krainaj… Nie chaciełasia b jaje charaktaryzavać, ale toje, što ja viedaju, takaja sistema paboraŭ, chabaraŭ i karupcyi, jakaja była prosta niaścierpnaja dla narodu», — zajaviŭ Alaksandr Łukašenka 17 kastryčnika na pres-kanfierencyi dla rasijskich rehijanalnych ŚMI.
Pry Janukoviču, skazaŭ Łukašenka, była «stračana kiravanaść, stračanyja ŭsiakija aryjenciry».
«Viktar Fiodaravič sa svaimi paplečnikami finansavaŭ, chto b moh padumać, «Pravy siektar», bo toj nibyta suprać Juli byŭ. Jon sam stvaryŭ siłu, jakaja potym jaho i źniščyła», — miarkuje Łukašenka.
Jon padkreśliŭ, što «papiaredžvaŭ Viktara Fiodaraviča, što hetaha rabić nielha». «Ja papiaredžvaŭ Pucina, što takija pracesy adbyvajucca ŭ Ukrainie», — śćviardžaje Alaksandr Łukašenka.
Ciapier čytajuć
U turmie pamior były supracoŭnik KDB Mikałaj Varapaj, asudžany za špijanaž na karyść Ukrainy3
Kamientary