Biełaruski instruktar «Azova»: Palityka ŭrada Biełarusi spryjaje razbeščvańniu i atupleńniu
Aficyjny kanał pałka «Azoŭ» apublikavaŭ nievialikaje intervju ź biełaruskimi instruktarami, zadziejničanymi ŭ pałku. Na videa dvoje chłopcaŭ z zakrytymi tvarami raskazvajuć ab tym, čym jany zajmajucca ŭ «Azovie» i što pryviało ich da ŭdziełu va ŭzbrojenym kanflikcie va Ukrainie.
Abodva chłopcy ź Minsku, raspaviadajuć, što da pierajezdu va Ukrainu zajmalisia prapahandaj zdarovaha ładu žyćcia siarod biełarusaŭ, ale va ŭładaŭ padtrymki nie znajšli.
«U našaj krainie ja byŭ u kole ludziej, jakija staralisia ŭsialakim čynam prapahandavać zdarovy ład žyćcia siarod moładzi. U našaj krainie ŭsie dobryja pačynańni dušacca ŭradam. Jaho palityka spryjaje chutčej nacyjanalnamu razbeščvańniu i atupleńniu. I tamu ja pajechaŭ va Ukrainu, bo pabačyŭ mahčymaść rabić dobryja spravy», — raskazvaje chłopiec z pazyŭnym Psichołah.
Druhi biełarus z pazyŭnym Kit, vidać, źjaŭlajecca siabram Psichołaha: «Vioŭ zvyčajnaje junackaje žyćcio. My ź siabrami staralisia ahitavać moładź za zdarovy ład žyćcia. Chacieli, kab moładź, hledziačy na nas, razumieła, što možna viesialicca biez usialakaha ałkaholu, narkotykaŭ, kureńnia. Pa adukacyi ja zvyčajny ślesar. Zusim nie škaduju, što źjechaŭ sa svajoj krainy. Škada tolki, što, chutčej za ŭsio, dla mianie budzie vielmi prablematyčna pabačyć svaich rodnych».
Ciapier čytajuć
Mastakoŭ Rymašeŭskaha i Ščamialovu pratrymali amal hod u SIZA, ale dali taki termin, kab u sudzie adpuścić dadomu2
Kamientary