The Exploited źmianiŭ svajo rašeńnie i hatovy vystupać razam z Brutto na fiestyvali «Zachad»
Hurt The Exploited źmianiŭ svajo rašeńnie i hatovy vystupać razam ź biełaruskaj hrupaj Brutto na zachodnieŭkrainskim fiestyvali ZaxidFest. Takoje paviedamleńnie z kamientarom arhanizataraŭ źjaviłasia ŭ kamientach na staroncy festu ZaxidFest u fejsbuku.
The Exploited patłumačyli, što ich admova ad vystupu na adnoj scenie z hurtam Siarhieja Michałka niekalki dzion tamu była vyklikana «haŭnianymi čutkami». Adnak jany pierakanalisia, što hetyja čutki nie adpaviadajuć rečaisnaści.
Aficyjnaj infarmacyi pra viartańnie The Exploited na ZaxidFest pakul niama.
Hurt Brutto zaniaŭ vyraznuju praŭkrainskuju pazicyju ŭ časie rasijska-ŭkrainskaha kanfliktu. U vyniku kancerty hrupy ŭ Rasii byli zabaronienyja, a rasijskija śpiecsłužby arhanizavali hrupie «čorny pijar» na Zachadzie. Brutto i sam achvotna ŭklučyŭsia ŭ pijar-hulniu vakoł siabie i svaich, nibyta, krajnie pravych pohladaŭ.
U Brutto, akramia Michałka, śpiavaje vydatny biełaruski kikbaksior Vital Hurkoŭ.
Kamientary