U Biełarusi płanujuć aličbavać pierasoŭny handal na siale. Dla viaskovych žycharoŭ stvorać dadatak «Aŭtamahazin», jaki pavinien spraścić kuplu praduktaŭ i inšych nieabchodnych tavaraŭ u nievialikich i addalenych nasielenych punktach, piša «Minskaja praŭda».
U dadatku źbiaruć infarmacyju pra pracu aŭtałaŭkaŭ. Karystalniki zmohuć atrymlivać push-paviedamleńni pra čas prybyćcia mašyny, mahčymyja zatrymki, źmieny maršrutaŭ i raskładu.
Novy servis dazvolić dziaržavie adsočvać pracu pierasoŭnaha handlu ŭ režymie realnaha času i kantralavać vykanańnie sacyjalnych standartaŭ navat u samych addalenych vioskach.
Dla handlovych arhanizacyj ličbavizacyja taksama pavinna spraścić pracu. Z dapamohaj dadatku płanujuć aptymizavać maršruty, skaracić prastoi techniki i pamienšyć kolkaść chałastych pajezdak.
Zapusk dadatku zapłanavany na kaniec 2027 hoda. Pieršymi jaho pratestujuć žychary Hrodzienskaj vobłaści. Paśla zaviaršeńnia testavańnia prajekt płanujuć maštabavać i ŭkaranić pa ŭsioj Biełarusi.
Ciapier čytajuć
Vaziŭ nataŭcaŭ u Afhanistan i skidvaŭ humanitarku ŭ Sudanie, a potym trapiŭ u turmu pa danosie siabra z Ukrainy3
Kamientary
To, o čiem idiet rieċ-eto onłajnovyj dostup k torhovle avtołavkami
Adčuvańnie, što składanaść raspracoŭki anansavanaj mabilnaj aplikacyi nie našmat mienšaja ŭ paraŭnańni z raspracoŭkaj novaj apieracyjonaj sistemy :)