Pucin paabiacaŭ Zachadu lusterkavy adkaz u vypadku zachopu rasijskich sudnaŭ
Rasija budzie lusterkava adkazvać, kali zachodnija krainy buduć zachoplivać rasijskija handlovyja sudny, zajaviŭ prezident Uładzimir Pucin padčas sustrečy z kamandavańniem Cichaakijanskaha fłotu (CF) u Paŭdniova-Sachalinsku, piša Bi-bi-si.
Pavodle jaho słoŭ, ułady niekatorych krain u parušeńnie mižnarodnaha prava sprabujuć abmiežavać ruch rasijskich sudnaŭ, a «niadaŭna dadumalisia da mahčymaści zachopu našych sudnaŭ i prodažu nahrablenaj u nas majomaści». Jon nazvaŭ heta piractvam i razbojem.
«Kali heta na praktycy pačnie realizoŭvacca, my budziem vymušanyja adkazvać lusterkava. I nieabaviazkova ŭ tych akvatoryjach, dzie płanujucca nabiehi na našy karabli i sudny. A tam, dzie my sami paličym heta patrebnym i metazhodnym. U lubym miescy», — skazaŭ Pucin.
Kamandujučy siłami Cichaakijanskaha fłotu admirał Viktar Liina, u svaju čarhu, dałažyŭ prezidentu, što zachodnija krainy aktyŭna pryciahvajuć dla pieravozki svaich hruzaŭ sudny pad ściahami trecich krain.
«Pa sutnaści, heta ich cieniavy fłot. Siły dla ahladu i zatrymańnia sudnaŭ niedružalubnych dziaržaŭ, ich cieniavoha fłotu, u nas jość. Mižviedamasnaje ŭzajemadziejańnie arhanizavana. Hatovyja prystupić da vyrašeńnia hetych zadač», — padkreśliŭ Liina.
Ciapier čytajuć
Vaziŭ nataŭcaŭ u Afhanistan i skidvaŭ humanitarku ŭ Sudanie, a potym trapiŭ u turmu pa danosie siabra z Ukrainy3
Kamientary